انڈونیشیا زلزلے میں نقصان پر سعودی فرمانروا اور ولی عہد کا اظہار تعزیت

پہلی اشاعت: آخری اپ ڈیٹ:
مطالعہ موڈ چلائیں
100% Font Size

مملکت سعودیہ اور خلیجی ملکوں کے سربراہان نے انڈونیشیا میں آنے والے زلزلے سے ہونے والے جانی و مالی نقصان پر صدر انڈونیشیا کو تعزیتی مراسلے ارسال کیے ہیں۔ سعودیہ کی طرف سے یہ تعزیتی پیغام شاہ سلمان بن عبدالعزیز، ولی عہد شہزادہ محمد بن سلمان نے بھجوایا ہے۔

سعودی خبر رساں ادارے کے مطابق یہ زلزلہ انڈونیشیا کے جزیرے جاوا میں آیا ہے ، جس کے نتیجے میں کم از کم 46 افراد جاں بحق ہو گئے ہیں۔

سعودی وزیر اعظم اور ولی عہد شہزادہ محمد بن سلمان کی طرف سے صدر انڈونیشیا جوکو ویدودو کو تعزیتی مراسلہ ارسال کیا گیا ہے۔ جس میں قیمتی جانوں کے ضیاع اور دوسرے نقصان پر اظہار افسوس کیا گیا ہے۔ تعزیتی خط میں زلزلے سے متاثرہ خاندانوں سے بھی اظہار ہمدردی کیا گیا ہے۔

بتایا گیا ہے کہ زلزلہ انڈونیشا کہ دارالحکومت جکارتہ سے 75 کلو میٹر دور جنوب مشرقی علاقے میں ۔ زلزلے کی گہرائی تقریبا دس کلو میٹر تک زیر زمین تھی۔

موسمیاتی ادارے اور زیر زمین تبدیلوں پر نظر رکھنے والے اداروں کے مطابق کسی سمدری طوفان کا خطرہ نہیں ہے۔

انڈونہشیا میں ڈیزاسٹر مینجمنٹ کمیٹی نے بتایا ہے کہ زلزلے سے کئی عمارات کو نقصان پہنچا ہے ، سب سے زیادہ نقصان ایک اسلامی مدرسے کی بلڈنگ کو پہنچا ہے۔
پیر کے روز آنے والے اس زلزلے کے نتیجے میں مجموعی طور پر 700 افراد زخمی ہو ئے ہیں۔ دریں اثنا متحدہ عرب امارات کے صدرشیخ محمد زاید النہیان نے بھی انڈونشیا کے صدر کو اس دکھ کی گھڑی میں تعزیتی پیغام بھیجا ہے۔

مقبول خبریں اہم خبریں