مصر کا شام اور عراق میں ایران اور ترکیہ کی کارروائیوں پر اظہار تشویش

مصر نے شام اور عراق میں ایران اور ترکیہ کی فوجی کارروائیوں پر اپنی گہری تشویش کا اظہار کیا ہے۔

مصر نے عراق اور شام میں گذشتہ چند دنوں کے دوران ایران اور ترکیہ کے حملوں پر شدید تشویش کا اظہار کیا ہے جو دونوں عرب ممالک کی خودمختاری کی خلاف ورزی قرار دیئے جاتے ہیں۔

قاہرہ وزارت خارجہ نے آج ایک بیان میں کہا کہ مصر چوبیس گھنٹے دلچسپی کے ساتھ پیش رفت پر نظر رکھے ہوئے ہے۔ ہم شام اور عراق پر ترکیہ اور ایران کے حملوں کو تشویش کی نظر سے دیکھتے ہیں۔

بیان میں دونوں ملکوں پر مزید خون ریزی روکنے اور شام اور عراق کی خود مختاری کے تحفظ پر زور دیا۔

خیال رہےکہ گذشتہ چند روز سے عراق اور شام میں ترکیہ اور ایران کی جانب سے فضائی اور زمینی حملے کیے گئے ہیں جن میں کئی افراد کی ہلاکتوں کی اطلاعات ہیں۔