صدرشی کی الیمامہ محل میں شاہ سلمان بن عبدالعزیز اورولی عہدشہزادہ محمد سے ملاقات

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

چین کے صدرشی جِن پنگ جمعرات کو الیمامہ محل پہنچے ہیں جہاں انھوں نے سعودی فرمانروا شاہ سلمان بن عبدالعزیزاورولی عہد شہزادہ محمد بن سلمان سے ملاقات کی ہے۔

ولی عہد شہزادہ محمد بن سلمان نے الیمامہ محل میں شاہی دیوان میں صدر شی جن پنگ کا استقبال کیا اور ان کے اعزاز میں باضابطہ استقبالیہ تقریب منعقد کی گئی۔

چینی صدر بدھ کے روزسعودی عرب کے تین روزہ دورے پر الریاض پہنچے تھے۔

شاہ سلمان اور صدر شی باہمی ملاقات کے علاوہ سعودی،چین سربراہ اجلاس میں شرکت کرنے والے تھے۔وہ جمعہ کو دو دیگر سربراہ اجلاسوں شریک ہوں گے۔ان میں ایک چین، خلیج سربراہ اجلاس اور دوسرا چین،عرب سربراہ اجلاس ہوگا۔ان میں خلیج تعاون کونسل کے ممالک اور عرب ریاستوں کے سربراہان بھی شریک ہوں گے۔

دریں اثناء مصر کے صدرعبدالفتاح السیسی چین عرب سربراہ اجلاس میں شرکت کے سلسلے میں جمعرات کو الریاض پہنچے تھے۔

رواں ہفتے کے اوائل میں سعودی پریس ایجنسی (ایس پی اے) نے اطلاع دی تھی کہ شی جن پنگ کے دورہ مملکت کے موقع پر110 ارب سعودی ریال (29.26 ارب ڈالر) مالیت کے 20 سے زیادہ ابتدائی معاہدوں پر دستخط کیے جائیں گے۔

ایس پی اے نے بدھ کو یہ اطلاع دی تھی کہ صدر شی کے دورے کے آغاز پرسعودی اور چینی کمپنیوں نے سرمایہ کاری کے 34 معاہدوں پر دست خط کیے ہیں۔

ان میں سبزتوانائی، سبزہائیڈروجن، فوٹو وولٹک انرجی، انفارمیشن ٹیکنالوجی، کلاؤڈ سروسز، ٹرانسپورٹیشن، لاجسٹکس، میڈیکل انڈسٹریز، ہاؤسنگ اور کنسٹرکشن کے شعبوں میں دوطرفہ تعاون کے سمجھوتے اور معاہدے شامل ہیں۔

مقبول خبریں اہم خبریں

مقبول خبریں