معتمر کو دل کا دورہ، مسجد نبوی کے میڈیکل عملہ نے جان بچا لی

دل نے کام کرنا چھوڑ دیا، ایشیائی شہری بے ہوش ہوگیا، 20 منٹ سی پی آر دیا گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی پریس ایجنسی کے مطابق مسجد نبوی کے صحن میں ایک ایشیائی معتمر کو دل کا دورہ پڑا، اس کے دل نے کام کرنا چھوڑ دیا اور وہ بے ہوش ہوگیا۔ ایسے میں باب جبریل ہیلتھ سنٹر کی طبی ٹیموں نے بروقت کارروائی کی اور اس ایشیائی شہری کی جان بچانے میں کامیاب ہوگئیں۔

مدینہ ہیلتھ کلسٹر نے اشارہ کیا کہ باب جبریل ہیلتھ سنٹر کے ایمرجنسی ڈیپارٹمنٹ کو یہ کیس بذریعہ ہلال احمر موصول ہوا ۔ معتمر بے ہوش ہو چکا تھا اور اس کا دل بھی کام کرنا چھوڑ گیا تھا، اس کا سانس بھی بند ہوگیا تھا۔

مرکز میں میڈیکل ٹیم نے کارڈیو پلمنری ری سسیٹیشن (سی پی آر) شروع کیا اور یہ عمل 20 منٹ تک جاری رکھا۔ انتھک محنت کے بعد مریض کی نبض اور سانس بحال ہوگئے۔

صحت کی حالت مستحکم ہونے کے بعد معتمر کو معائنے اور مکمل علاج کے لیے مدینہ جنرل ہسپتال منتقل کر دیا گیا۔

یاد رہے کہ مسجد نبوی کے قریب متعدد مراکز صحت کو جدید ترین آلات اور اہل افراد سے لیس اور معاونت فراہم کی گئی ہے ۔ یہ مراکز چوبیس گھنٹے کام کر رہے ہیں ۔

مقبول خبریں اہم خبریں

مقبول خبریں