ڈھاکا: شکیب الحسن کی کرکٹ میں تعاون پر سعودی سفیر سے ملاقات

بنگلہ دیش کی قومی کرکٹ ٹیم کے کھلاڑی شکیب الحسن نے ڈھاکہ میں تعینات سعودی عرب کے سفیرعیسیٰ بن یوسف الدحیلان سے ملاقات کی۔ ملاقات میں بنگلہ دیش اور سعودی عرب کےدرمیان کرکٹ کے کھیل میں تعاون پر تبادلہ خیال کیا گیا۔

ڈھاکہ میں مملکت کے سفارت خانے کی طرف سے ’ٹویٹر‘اکاؤنٹ کے ذریعے جاری ایک بیان میں کہا ہے کہ بنگلہ دیش کے کرکٹر شکیب الحسن نے عیسیٰ بن یوسف الدحیلان سے ملاقات کی۔ سعودی سفیر نے سفارت خانے میں کھلاڑی شکیب الحسن کا خیرمقدم کیا۔ خیال رہے کی شکیب الحسن کرکٹ کی دنیا میں نمبر ون کھلاڑی ہیں اور انہیں کرکٹ کے میدان میں ایک عالمی آئیکون سمجھا جاتا ہے۔

بنگالی کرکٹ اور سعودی سفیر کے درمیان ہونے والی بات چیت میں کرکٹ کی تاریخ اور شکیب کے کھیل کے میدان میں کامیابیوں پر تبادلہ خیال کیا گیا۔

قابل ذکر ہے کہ شکیب الحسن 24 مارچ 1987ء کو پیدا ہوئے اور ان کا شمار دنیا کے بہترین کرکٹ کھلاڑیوں میں ہوتا ہے۔