سعودی عرب اور موناکو کے درمیان سفارتی تعلقات کے قیام کا معاہدہ طے پا گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی سرکاری خبر رساں ایجنسی ’ایس پی اے‘ کے مطابق مملکت اور مناکو کے درمیان سفارتی تعلقات قائم کرنے کا معاہدہ طے پا گیا ہے۔

ایس پی اے کے مطابق سفارتی تعلقات کے قیام کا اعلان دراصل ’’دوطرفہ تعلقات اور مشترکہ تعاون کے لئے بڑھوتری کے لیے کی جانے والی کوششوں کا حصہ ہے۔‘‘

سعودی پریس ایجنسی کے مطابق ’’سفارتی تعلقات کے قیام سے دونوں ممالک کے درمیان اشتراک اور دوطرفہ تعلقات کو فروغ دینے میں مدد ملے گی۔

سفارتی تعلقات کے معاہدے کی دستاویز پر فرانس میں خادم الحرمین الشریفین کے سفیر فھد الرویلی اور فرانس میں مناکو کے سفیر کرسٹوفی سٹائنر نے اپنی اپنی حکومتوں کی نیابت میں مشترکہ بیان دستخط کئے۔

خبر رساں ادارے کے مطابق ’’دونوں ملکوں کے سفیروں نے اس امر کی ضرورت پر زور دیا کہ مشترکہ بیان کا مقصد دونوں ملکوں کی حکومتوں کی جانب سے دوطرفہ تعلقات اور تمام شعبوں میں تعاون کے فروغ کی کوششوں میں بڑھوتری ہے۔‘‘

مقبول خبریں اہم خبریں

مقبول خبریں