سعودی عرب میں دو الگ الگ مقامات پر منشیات کی اسمگلنگ کی کوشش ناکام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں پولیس اور انسداد منشیات حکام نے مملکت میں دو الگ الگ مقامات میں کارروائی کرتے ہوئے منشیات کی بھاری مقدار ضبط کرنے کے ساتھ مکروہ دھندے میں ملوث مشتبہ ملزمان کو گرفتار کر لیا ہے۔

عسیر میں پولیس نے ایک شخص کو 60 کلو منشیات برآمد کر کے گرفتار کر لیا جبکہ دوسری جانب جدہ میں پانچ لاکھ سے زائد ایمفیٹامین گولیاں ضبط کر کے ایک شخص کو گرفتار کر لیا گیا۔

جنرل ڈائریکٹوریٹ فار نارکوٹکس کنٹرول نے جدہ گورنری میں ایک شہری کو منشیات کی ایمفیٹامین کی (556,600) گولیاں، آتشیں اسلحہ اور گاڑی کے خفیہ خانوں میں چھپائی گئی رقم قبضے میں لے کر گرفتار کیا۔

ملزم کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

ادھر عسیر کے علاقے میں سکیورٹی رجمنٹ نے پٹرولنگ کے دوران شہری کو 60 کلو گرام منشیات قبضے میں لینے کے بعد گرفتار کیا۔ منشیات کو ایک گاڑی میں چھپایا گیا تھا۔

مقبول خبریں اہم خبریں

مقبول خبریں