سعودی عرب اور ایران کے تعلقات خطے کی ترقی کا پیش خیمہ ثابت ہون گے:بلاول

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

وزیرخارجہ بلاول بھٹوزرداری نے سعودی عرب اورایران کے ساتھ پاکستان کے قریبی دوستانہ تعلقات کی اہمیت پرزوردیتے ہوئے کہا ہے کہ دونوں برادرملکوں کے درمیان سفارتی تعلقات کی بحالی پورے خطے میں امن، خوشحالی اورترقی کاپیش خیمہ ثابت ہوگی۔

وزیرخارجہ نے ان خیالات کا اظہاراپنے سعودی ہم منصب شہزادہ فیصل بن فرحان السعود اور ایرانی ہم منصب حسین امیرحسین عبداللہیان کے ساتھ ٹیلی فون پر بات چیت کرتے ہوئے کیا۔

وزیرخارجہ نے بیجنگ میں طے پانے والے سہ فریقی مشترکہ اعلامیہ کے ذریعے سعودی عرب اور ایران کے درمیان تعلقات کو معمول پرلانے کے حوالے سے اپنے دونوں ہم منصبوں کو مبارکباد پیش کی۔

انہوں نے کہا کہ اس سمجھوتہ سے خطے میں امن ،سلامتی،تجارت اورترقی کے لئے نتیجہ خیز مذاکرات کے آغازکی راہ ہموار ہوگی۔ وزیرخارجہ نے سعودی عرب اورایران کے درمیان تعلقات کی بحالی کے عمل میں چین کے اہم کردارکوبھی سراہا۔

مقبول خبریں اہم خبریں

مقبول خبریں