پہلی شب رمضان، مسجد حرام میں بھرپور تیاریوں کے ساتھ نماز تراویح ادا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

سلامتی سے بھرپور روحانی ماحول میں اور تمام سرکاری اور نجی شعبوں کی جانب سے وسیع تیاریوں کے درمیان رمضان المبارک کی پہلی رات مسجد حرام میں نماز تراویح ادا کی گئی۔ بڑی تعداد میں لوگوں نے شرکت کی۔ اللہ کے کلام کی سماعتوں سے لوگوں پر رقت طاری ہو گئی۔

نمازیوں میں وہ سعودی شہری زائرین بھی شامل ہیں جو بچپن سے ہی روحانیت سے بھرپور ماحول میں نماز تراویح ادا کرنے مسجد حرام میں آتے ہیں۔

’’ صدارت عامہ برائے امور مسجد حرام و مسجد نبوی ﷺ ‘‘ کے ترجمان ھانی حیدر نے رمضان کی بابرکت مہینے کے لیے مسجد حرام کی تیاریوں سے آگاہ کیا انہوں نے بتایا کہ رمضان المبارک کےدوران ایک مربوط آپریشنل نظام پوری صلاحیت سے کام کر رہا ہوتا ہے۔

المسجد الحرام
المسجد الحرام

صدارت عامہ کی جانب سے مسجد حرام میں راستوں اور راہداریوں کو تیار کردیا جاتا ہے۔ طواف کے خواہاں افراد کے لیے گنجائش بڑھائی جاتی ہے۔ معذور افراد اور دیگر تمام زائرین کو عبادت میں سہولت فراہم کرنے کے لیے عالمی معیار کے اقدام کو نافذ کیا جاتا ہے۔

انہوں نے وضاحت کی کہ مسجد کے تمام ہال ضرورت کے مطابق تیار ہیں۔ مختلف سائز کے قرآن پاک کے نئے ایڈیشن رکھ دئیے گئے ہیں۔ ان نسخوں میں باقاعدہ قرآن، یونیورسٹی کا قرآن، بڑے سائز کا قرآن اور ترجمے شامل ہیں۔ قرآن پاک کے الفاظ کے معانی اور نابینا افراد کے لیے بریل قرآن مجید کے نسخے بھی فراہم کردیے گئے ہیں۔

تلاوت کی تصحیح کی قسطوں کے متعلق ھانی حیدر نے بتایا کہ تلاوت قرآن پاک کی اصلاح یعنی تجوید کے پروگرام کی اقساط میں سیزن کے دوران 127 سے زائد اقساط کا اضافہ ہوا ہے۔

جہاں تک خواتین کو فراہم کی جانے والی خدمات کا تعلق ہے ۔ خواتین کے لیے مسجد حرام میں 30 ہال تیار کیے گئے ہیں۔ شمالی چوکوں میں 8 ہال، مغربی چوکوں میں 6 ہال، پہلی منزل پر خدمت کی عمارتوں میں 2 ہال، دوسری منزل پر 4 ہال مختص کیے گئے ہیں۔ خواتین حاضرین کے لیے ایک محفوظ عقیدتی ماحول اور یقین دہانی سے بھرپور روحانی ماحول سے لطف اندوز ہونے کے لیے سہولیات فراہم کی گئی ہیں۔

جدید ترین میکانزم اور ٹیکنالوجیز

واضح رہے مسجد نبوی اور مسجد نبوی کے امور کی جنرل پریذیڈنسی نے رمضان المبارک کے بابرکت مہینے میں 40 ملین لیٹر سے زیادہ پانی زمزم کی تقسیم کے لیے 20 ہزار پوائنٹس مختص کیے تھے۔ بین الاقوامی معیارات کے مطابق اس کی پاکیزگی کو یقینی بنانے کے لیے دستیاب جدید ترین میکانزم اور ٹیکنالوجیز کا استعمال کرکے آسان طریقوں سے پیشکش فراہم کی گئی ہے۔ ھانی حیدر نے مزید بتایا کہزمزم کے بابرکت پانی کے 30 ہزار کنٹینرز تیار کرکے پوری مسجد میں تقسیم کیے گئے ہیں۔

’’ صدارت عامہ‘‘ زمزم کا بابرکت پانی فراہم کرنے کے لیے روبوٹک ٹیکنالوجی بھی سرمایہ کاری کرتا ہے۔ آب زم زم کے لیے 80 سمارٹ گاڑیاں فراہم کی گئی ہیں۔

مقبول خبریں اہم خبریں

مقبول خبریں