سعودی عرب:الدرعیہ کےگورنراورشاہی کمیشن برائے الریاض کے سربراہ عہدوں سے برطرف

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے شاہ سلمان بن عبدالعزیز نے اتوار کو مختلف فرامین جاری کیے ہیں جن کے تحت بعض اعلیٰ عہدے داروں کومعزول کردیا گیا ہے اور ان کی جگہ نئے عہدے داروں کا تقرر کیا گیا ہے۔ایک شاہی فرمان کے تحت الدرعیہ کے گورنرشہزادہ احمدبن عبداللہ بن عبدالرحمٰن آل سعود کو ان کے عہدے سے فارغ کردیا گیا ہے۔

ایک اور فرمان کے تحت شاہی کمیشن برائے الریاض کے چیف ایگزیکٹوآفیسر(سی ای او)فہدبن عبدالمحسن بن صالح الرشید کوان کے عہدے سے ہٹا دیا گیا ہے اورانجینئرابراہیم بن محمد بن ابراہیم السلطان کو ان کی دیگرمنصبی ذمے داریوں کے علاوہ الریاض شہر کے لیے شاہی کمیشن کا چیف ایگزیکٹو آفیسر مقررکیا گیا ہے۔

ایک اور شاہی فرمان کے تحت پروفیسر فہد بن عبدالمحسن بن صالح الرشید کو وزارتی کونسل کے جنرل سیکرٹریٹ میں بہترین عہدے پر مشیرمقررکیا گیا ہے۔

سعودی فرماں روا نے جنرل آرگنائزیشن برائے سوشل انشورنس کے گورنر محمد بن طلال النحاس کو بھی ان کے عہدے سے فارغ کردیا ہے اور جناب عبدالعزیز بن حسن بن علی البوق کوان کی جگہ جنرل آرگنائزیشن برائے سوشل انشورنس کا گورنرمقررکیا ہے۔

مقبول خبریں اہم خبریں

مقبول خبریں