سعودی بجلی کمپنی دُہری قسط والے اورسبزصقوق سے دوارب ڈالرجمع کرے گی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی الیکٹرک کمپنی دُہری قسط والے اسلامی بانڈزصقوق کی فروخت سے 2 ارب ڈالر جمع کرے گی۔

ایک بینک دستاویز کے مطابق کمپنی کی پیش کش 10 سالہ سبزصقوق اور 30 سالہ روایتی اسلامی صقوق پر مشتمل ہے۔10 سالہ قسط کے آرڈرز 9.2 ارب ڈالر سے تجاوز کرگئے ہیں جبکہ 30 سالہ قسط کی مانگ 6.2 ارب ڈالر سے زیادہ رہی ہے۔

سعودی عرب میں برقی روکی ترسیل کنندہ کمپنی نے 10 سالہ سبزصقوق میں 1.2 ارب ڈالر کا آغاز امریکی خزانے میں 120 بیسس پوائنٹس (بی پی ایس) اور 30 سالہ روایتی صقوق میں 80 کروڑ ڈالرکا آغاز امریکی خزانے میں 205 بی پی ایس پر کیا۔

ان دونوں قسطوں کی توقع سے زیادہ 15.4 ارب ڈالر کی طلب کے بعد پھیلاؤ کو سخت کیا گیا تھا۔ابتدائی ہدایات میں 10 سالہ نوٹوں کے لیے یو ایس ٹی پرقریباً 165 بی پی ایس اور 30 سالہ اسلامی بانڈز کے لیے اسی بینچ مارک پرقریباً 240 بی پی ایس کے پھیلاؤ کے بارے میں بتایا گیا تھا۔

اس معاملے سے آگاہ ایک ذریعے نے بتایا کہ بڑی مانگ کی وجہ یہ ہے کہ سرمایہ کارصقوق خریدنا چاہتے ہیں۔ایک ایسی مارکیٹ میں سرمایہ لگانا چاہتے ہیں جس میں طویل عرصے سے رسد اور طلب میں عدم توازن رہا ہے اور ساتھ ہی خلیجی خطے سے کارپوریٹ مسائل کی نسبتاً کمی ہے جو تیل کی اونچی قیمتوں سے فائدہ اٹھا رہا ہے۔

اس ذریعے نے کہا کہ یہ طلب مکمل طورپرعلاقائی سطح پرمرکوزنہیں تھی، بلکہ حقیقت میں یہ کافی وسیع تھی۔انھوں نے مزیدبتایاکہ سعودی بجلی نے دو سال سے زیادہ عرصے سے بانڈز جاری نہیں کیے ہیں۔

سعودی عرب کے سب سے بڑے اسلامی بینک الراجحی نے گذشتہ ہفتے پانچ سالہ پائیدار صقوق ایک ارب ڈالرمیں فروخت کیے تھے۔

ایچ ایس بی سی، جے پی مورگن اور اسٹینڈرڈ چارٹرڈ بینک سعودی بجلی کے صقوق کی فروخت کے مشترکہ عالمی رابطہ کارمقرر کیے گئے ہیں۔واضح رہے کہ سعودی بجلی کمپنی کی زیادہ ترملکیت مملکت کے خودمختار سرمایہ کار فنڈ کے پاس ہے۔

مقبول خبریں اہم خبریں

مقبول خبریں