دورہ چین سے قبل ماکروں کا بائیڈن سے ٹیلی فونک رابطہ

یوکرین جنگ کے جلد خاتمے کے لئے چین سے روابط پر اتفاق

پہلی اشاعت: آخری اپ ڈیٹ:
مطالعہ موڈ چلائیں
100% Font Size

فرانسیسی صدر عمانویل ماکروں نے دورہ چین سے قبل اپنے امریکی ہم منصب جو بائیڈن سے ٹیلی فون پر رابطہ کیا۔ دونوں رہنمائوں نے یوکرین میں جاری جنگ کے جلد خاتمے کے لئے چین سے رابطے بڑھانے پر اتفاق کیا۔

فرانس کے صدارتی دفتر الیزے محل سے جاری ایک بیان کے مطابق دونوں رہنمائوں نے یوکرین میں جاری جنگ کے جلد از جلد خاتمے اور خطے میں پائیدار امن کے قیام کے لئے چین سے رابطے کرنے پر رضامندی کا اظہار کیا۔

بیان کے مطابق ماکروں اور بائیڈن نے امید ظاہر کی کہ چین عالمی شمالی اور جنوبی ممالک کے درمیان یکجہتی کی کوششوں اور ماحولیات اور حیاتیاتی تنوع کے تحفظ میں اپنا کردار ادا کرے گا۔

واضح رہے کہ فرانسیسی صدر تین روزہ دورے پر بدھ کے روز چین پہنچیں گے۔

چینی وزارت خارجہ کے مطابق چینی صدر شی جن پنگ فرانسیسی صدر سے ملاقات میں دو طرفہ تعلقات پر تبادلہ خیال کریں گے۔

مقبول خبریں اہم خبریں