المسجد الحرام: ماہ مقدس کے 20 روز میں ترجمہ کی خدمات سے 20 ملین افراد مستفید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مکہ مکرمہ میں مسجد حرام میں معتمرین، نمازیوں اور زائرین کو مناسک عمرہ ادا کرنے اور عبادات کو ادا کرنے میں زیادہ سے زیادہ سہولیات فراہم کی جاتی ہیں۔ انہیں سہولیات میں ایک سہولت ترجمہ کی خدمات کی صورت میں آنے والوں کو فراہم کی جاتی ہے۔ حرمین شریفین کے امور کے ادارے کی لینگویجز اینڈ ٹرانسلیشن ایجنسی رمضان المبارک میں مسجد حرام کے خطبات اور اسباق کو نشر کرنے کے لیے بہت سے جدید تکنیکی ذرائع استعمال کر رہی ہے۔

ترجمہ پروجیکٹ کے ذریعہ مکہ مکرمہ میں بیت اللہ شریف سے دئیے گئے پیغام کو دنیا بھر میں لوگوں تک پہنچانے کی سعی کی جاتی ہے۔

لینگویجز اینڈ ٹرانسلیشن ایجنسی کے انڈر سیکرٹری احمد الحمیدی نے بتایا کہ ایجنسی نے مسجد حرام کے خطبوں اور اسباق کا ترجمہ کرکے نشر کرنے کے لیے رمضان المبارک کے پروگراموں میں پیش کرنا شروع کیا ہے۔ اس حوالے سے مترجمین اور خصوصی تکنیکی ماہرین میں سے ممتاز افراد کو منتخب کرنے کی کوشش کی گئی ہے۔ مسجد حرام کے خطبے اور دیگر اسباق مختلف زبانوں میں ’’منارۃ الحرمین‘‘ پلیٹ فارم اور ایف ایم براڈکاسٹنگ کے ذریعے 24 گھنٹے نشر کیے جاتے ہیں۔

الحمیدی نے الیکٹرانک طور پر فراہم کی جانے والی خدمات سے فائدہ اٹھانے والوں کی تعداد میں نمایاں اضافے کو سراہا۔ انہوں نے بتایا کہ رمضان المبارک کے آغاز سے اس کے دوسرے عشرے کے اختتام تک دنیا بھر میں ترجمہ کی سہولت سے فائدہ اٹھانے والوں کی تعداد ایک کروڑ 98 لاکھ 93 ہزار 925 ہوگئی ہے۔

مقبول خبریں اہم خبریں

مقبول خبریں