امریکی پروفیسر نے پانی کے اندر طویل ترین وقت گزارنے کا عالمی ریکارڈ توڑ دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

یونیورسٹی کے ایک پروفیسر نے اس ہفتے کے آخر میں بغیر ڈی پریشرائزیشن کے پانی کے اندر سب سے زیادہ عرصے تک رہنے کا ریکارڈ توڑ دیا۔

جوزف ڈٹوری نے سکوبا ڈائیورز کے لیے مخصوص فلوریڈا کے کی لارگو میں 30 فٹ گہرے جھیل کے نچلے حصے میں 74 دن سے زیادہ گزارے ہیں۔

اور ان کا ابھی رکنے کا کوئی ارادہ نہیں ہے۔ اتوار کو، انہوں نے کہا کہ وہ کم از کم 100 دن تک زیر آب رہیں گے۔

پروفیسر ڈٹوری جو ڈاکٹر ڈیپ سی کے نام سے جانے جاتے ہیں، نے 1 مارچ کو جولیز انڈر سی لاج سے اپنے سفر کا آغاز کیا، یہ ایک چھوٹا سا کمرہ ہے جو فلوریڈا کیز میں ایک جھیل کے نیچے واقع ہے۔

آبدوز کے برعکس، لاج پانی کے اندر بڑھتے ہوئے دباؤ کو ایڈجسٹ کرنے کے لیے ٹیکنالوجی کا استعمال نہیں کرتا۔

ماحول کے دباؤ پر پانی کے اندر زیادہ دن گزارنے کا پچھلا عالمی ریکارڈ 2014 میں اسی مقام پردو پروفیسروں بروس کینٹریل اور جیسیکا فین نے قائم کیا تھا۔ وہ 73 دن، دو گھنٹے اور 34 منٹ تک پانی میں رہے تھے۔

لیکن ڈٹوری صرف ریکارڈ نہیں بنانا چاہتے، وہ 9 جون تک لاج میں رہنے کا ارادہ رکھتے ہیں، جب تک پروجیکٹ نیپچون 100 کے نام سے ایک زیر آب سائنسی مشن مکمل نہیں ہوجاتا۔

یہ مشن طبی اور سمندری تحقیق کو تعلیمی آؤٹ ریچ کے ساتھ جوڑتا ہے، اور اس کا اہتمام میرین ریسورسز ڈیولپمنٹ کارپوریشن نے کیا تھا، جو لاج کی مالک ہے۔

پروجیکٹ نیپچون 100 کہلانے والے پروجیکٹ کے لیے، یونیورسٹی آف ساؤتھ فلوریڈا کے پروفیسر اس بات کا مطالعہ کر رہے ہیں کہ انسانی جسم انتہائی دباؤ کے طویل مدتی نمائش پر کیسے رد عمل ظاہر کرتا ہے۔

انہوں نے کہا کہ دریافت کے تجسس نے مجھے یہاں تک پہنچایا۔

ڈیٹوری کے مشن کے آؤٹ ریچ حصے میں اس کے زیر سمندر ڈیجیٹل اسٹوڈیو سے آن لائن اسباق اور ریڈیو انٹرویوز کا انعقاد شامل ہے۔

پانی کے اندر وقت نے انہیں اپنے پیشہ ورانہ فرائض کی ادائی سے نہیں روکا۔ پروفیسر دٹوری جنہوں نے بحریہ میں 28 سال تک خدمات انجام دیں ، یونیورسٹی آف ساؤتھ فلوریڈا کے مطابق، اپنی بائیو میڈیکل انجینئرنگ کی کلاسز آن لائن پڑھا رہے ہیں۔

مصروف رہنے کے لیے، پروفیسر روزانہ 05:00 بجے اٹھ کر ورزش کرتے ہیں۔ وہ پروٹین سے بھرپور کھانے جیسے انڈے اور سالمن کھاتے ہیں۔ جسے وہ اپنے مائکروویو سے گرم کر سکتے ہیں۔

اگرچہ ان کا پانی کے اندر قیام بہت اچھا ثابت ہوا ہے، لیکن وہ زمین سے اوپر کی کچھ سرگرمیوں میں واپس آنے کے لیے پرجوش ہے۔

انہوں نے کہا "زمین پر رہنے کے بارے میں جس چیز کی مجھے سب سے زیادہ یاد آتی ہے وہ سورج ہے۔"

مقبول خبریں اہم خبریں

مقبول خبریں