مصر کیساتھ سرحد پر واقعہ عارضی، مشترکہ تعاون متاثر نہیں ہوگا: نیتن یاھو

اسرائیلی وزیر اعظم کو مصر کی سرحد پر فائرنگ کے واقعے سے متعلق سیکیورٹی رپورٹس موصول

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیلی وزیر اعظم بنجمن نیتن یاہو نے کہا ہے کہ مصر کے ساتھ سرحد پر سکیورٹی کا واقعہ ایک "عارضی" واقعہ ہے اور اس سے دونوں ملکوں کے درمیان تعاون متاثر نہیں ہو گا۔ دریں اثنا اسرائیلی براڈکاسٹنگ کارپوریشن نے کہا ہے کہ نیتن یاہو کو اسرائیل کے ساتھ مصر کی سرحد پر فائرنگ کے واقعہ سے متعلق رپورٹس موصول ہوئی تھیں۔

0000اسرائیلی ٹی وی "آئی 24 نیوز" نے وزیر اعظم نیتن یاھو کے حوالے سے کہا کہ مصر کے ساتھ سرحد پر پیش آنے والا سیکورٹی کا واقعہ "عارضی" تھا۔ نیتن یاہو نے حکومتی وزراء اور حکام سے کہا تھا کہ یہ واقعہ مشترکہ تعاون کو متاثر نہیں کرے گا۔ اس تعاون میں دونوں ملکوں کی درمیانی سرحد پر حفاظتی انتظامات کو برقرار رکھنا بھی شامل ہے۔ نیتن یاھو نے کہا کہ واقعہ کی تحقیقات مصر کے مکمل تعاون سے جاری ہیں۔

اسرائیلی فوج نے ہفتہ کے دن کے شروع میں اعلان کیا تھا کہ دونوں ملکوں کی سرحد پر ایک بندوق بردار کے حملے میں تین اسرائیلی فوجی ہلاک اور چوتھا زخمی ہو گیا ہے۔

مصری فوج کے بیان میں کہا گیا کہ ہفتہ کو صبح سویرے بین الاقوامی سرحدی لائن کی حفاظت کے انچارج سیکیورٹی اہلکاروں میں سے ایک نے منشیات کی سمگلنگ کرنے والے عناصر کا پیچھا کیا اور تعاقب کے دوران سیکیورٹی اہلکاروں نے حفاظتی رکاوٹ کو توڑا اور فائرنگ کا تبادلہ کیا جس کے نتیجے میں ایک مصری محافظ جاں بحق ہوگیا۔ فائرنگ کے تبادلے کے دوران 3 صہیونی فوجی ہلاک اور 2 زخمی ہوگئے۔

مصری فوج کے ترجمان نے کہا کہ علاقے میں تلاشی، معائنہ اور انشورنس کے اقدامات کیے جا رہے ہیں۔ واقعہ کے حوالے سے قانونی اقدامات بھی کیے جا رہے ہیں۔

مقبول خبریں اہم خبریں

مقبول خبریں