ایپل نے دس لاکھ روپے کا 'ویژن پرو" ہیڈ سیٹ متعارف کروا دیا

ایپل کے سالانہ ایونٹ میں نئے میک بک ، آپریٹنگ سسٹم سمیت دیگر فیچر متعارف

پہلی اشاعت: آخری اپ ڈیٹ:
مطالعہ موڈ چلائیں
100% Font Size

معروف ٹیکنالوجی کمپنی 'ایپل' نے 3500 ڈالر [تقریبا دس لاکھ روپے] کی قیمت میں ویژن پرو کے نام سے ہیڈ سیٹ متعارف کروایا ہے جس کے ذریعے سے صارفین ورچوئل رئیلٹی اور آگمینٹڈ رئیلٹی کی ٹیکنالوجی استعمال کر سکیں گے۔

ایپل نے پیر کو اپنی سالانہ ڈیویلپر کانفرنس WWDC میں چند نئی پروڈکٹس اور فیچرزبھی متعارف کرائےہیں۔

ان میں ہیڈ سیٹ کے علاوہ 15 انچ کی میک ایئر بک لیپ ٹاپ، طاقت ور پروسیسر چپ 'ایم ٹو الٹرا'، آئی او ایس 17سافٹ ویئر کو بہتربنانا شامل ہیں۔

ایپل کے ایونٹ کے مناظر۔ رائیٹرز

ایپل کے 'ویژن پرو' ہیڈ سیٹ کی قیمت 3499 ڈالرز سے شروع ہو گی جو پاکستان تقریباً 10 لاکھ روپے بنتے ہیں۔ یہ قیمت فیس بک کی کمپنی'میٹا' کے ورچوئل ریئلٹی ڈیوائسز سے تین گنا زیادہ ہے۔

سالوں کے تجسس کے بعد سامنے آنے والے ایپل ہیڈ سیٹ کو کمپنی کے سی ای او 'ٹم کک' نے "پرسنل ٹیکنالوجی کے میدان میں ایک نئی جہت " قرار دیا۔

مقبول خبریں اہم خبریں