امریکی شہر بالٹی مور میں فائرنگ، چھ افراد زخمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکا کے شہر بالٹی مور میں جمعے کی رات کو فائرنگ کا واقعہ پیش آیا جس میں چھ افراد زخمی ہوگئے۔ پولیس کے مطابق زخمیوں کی حالت خطرے سے باہر ہے۔

بالٹی مور پولیس ڈیپارٹمنٹ کے ترجمان لنڈسے ایلڈریج نے کہا کہ شہر کے شمال میں ایک کار پر سوار افسران نے رات 9 بجے سے ذرا پہلے گولیوں کی آوازیں سنی اور وہ تحقیقات کرنے جائے وقوعہ پر پہنچے۔

ترجمان نے ایک ای میل میں بتایا کہ، افسروں کو ایسٹ کولڈ اسپرنگ لین اور یارک روڈ کے چوراہے کے قریب تین آدمی ملے "جن کے جسموں پر متعدد غیر جان لیوا گولیوں کے زخم تھے۔"
ترجمان نے کہا کہ اس کے بعد پولیس کو مزید تین متاثرین ملے۔
طبی عملے نے تمام زخمیوں کو علاج کے لیے علاقے کے اسپتالوں میں منتقل کردیا۔

ترجمان نے بتایا کہ متاثرین میں ایک 18 سالہ خاتون، دو 22 سالہ مرد، ایک 26 سالہ مرد اور ایک 17 سالہ مرد شامل ہیں۔

علاقے کے جاسوس فائرنگ کی تحقیقات کر رہے ہیں۔

مقبول خبریں اہم خبریں

مقبول خبریں