سعودی عرب میں جون میں افراطِ زر کی شرح میں کمی؛سرکاری اعداد و شمار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں افراطِ زر کی شرح سالانہ جون میں کم ہو کر 2.7 فی صد رہ گئی جبکہ اس سے گذشتہ ماہ یہ شرح 2.8 فی صد تھی۔

سعودی عرب کی جنرل اتھارٹی برائے شماریات کے اعداد و شمار کے مطابق جون میں مکانات، پانی، بجلی، گیس اور دیگر ایندھن کی قیمتوں میں گذشتہ سال کے اسی مہینے کے مقابلے میں مجموعی طور پر 9.1 فی صد اضافہ ہوا جبکہ ریستوراں اور ہوٹلوں کی قیمتوں میں 4.3 فی صد اور تعلیم میں 3 فی صد اضافہ ہوا۔

دوسری جانب کپڑوں اور جوتوں کی قیمتوں میں 2.9 فی صد، مواصلاتی اخراجات میں 0.7 فی صد اور متفرق ذاتی اشیاء اور خدمات کی قیمتوں میں 0.1 فی صد کمی ریکارڈ کی گئی۔

سعودی عرب میں افراطِ زر کی شرح جنوری سے بتدریج کم ہو رہی ہے۔جنوری میں افراطِ زر کی شرح 3.4 فی صد تھی۔

مقبول خبریں اہم خبریں

مقبول خبریں