میانمار کے سابق رہ نما کو جیل سے سرکاری عمارت میں منتقل کر دیا گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

میانمار کی سابق رہ نما آنگ سان سوچی جنہیں 2021ء میں فوجی بغاوت کے ذریعے معزول کر دیا گیا تھا کو جیل سے ایک سرکاری عمارت میں منتقل کیا گیا ہے۔ ان کی پارٹی کے ایک عہدیدار کے مطابق سوچی کو جیل سے ایک سرکاری عمارت میں منتقل کر دیا گیا ہے۔

نیشنل لیگ فار ڈیموکریسی کے ایک اہلکار نے نام ظاہر نہ کرنے کی شرط پر ’اے ایف پی‘ کو بتایا کہ "آنگ سان سوچی کو پیر کی رات ایک اعلیٰ سطحی عمارت میں منتقل کر دیا گیا تھا۔"

اسی ذریعے کے مطابق سوچی نے اسمبلی کی سپیکرٹی کھن میات سے ملاقات کی اور امکان ہے کہ وہ ایشیائی امور کے لیے چین کے خصوصی ایلچی ڈینگ شیاؤ پنگ سے ملاقات کریں گی۔

ایک اور سیاسی جماعت کے ذرائع نے بتایا کہ امن کے نوبل انعام یافتہ کو نیپیداو کے ایک وی آئی پی کمپاؤنڈ میں لے جایا گیا۔

مقبول خبریں اہم خبریں

مقبول خبریں