عرب کلب چیمپیئنز کپ کافائنل؛النصر کی الہلال کے خلاف جیت،رونالڈو پہلے ٹائٹل کے حق دار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

شاہ فہد اسٹیڈیم میں کھیلے گئے عرب کلب چیمپیئنز کپ کے فائنل میچ میں کرسٹیانو رونالڈو کی قیادت میں النصر کلب نے سعودی ٹیم الہلال کو 2-1 سے شکست دے دی ہے اور اس طرح پہلی بار عرب کلب چیمپیئنز کپ کا ٹائٹل اپنے نام کرلیا ہے۔

رونالڈو نے گذشتہ سیزن میں سعودی پرولیگ میں رنر اپ رہنے والے النصر کلب میں شمولیت اختیار کی تھی لیکن وہ ٹرافی حاصل کرنے میں ناکام رہے تھے۔ البتہ 38 سالہ رونالڈو نے ٹورنامنٹ میں چھے گول کیے تھے اور وہ ٹاپ اسکورر رہے تھے۔

اس ٹورنامنٹ میں خطے کے سرفہرست عرب کلب نو، نو کھلاڑیوں کے ساتھ حصہ لیتے ہیں اور اس میں سعودی عرب، قطر، متحدہ عرب امارات، عراق، مراکش، تُونس اور الجزائر کی ٹیمیں شامل ہوتی ہیں۔

النصر کی ٹیم کو فائنل میچ کے پہلے ہاف میں گول کرنے کے کئی مواقع ملے تھے۔النصر میں اس سیزن سے چندے پہلے شامل ہونے والے ساڈیو مانے، سیکو فوفانا اور مارسیلو بروزووچ نے گول کرنے کی کئی مرتبہ کوشش کی لیکن الہلال کے گول کیپر محمد الاویس نے ان کے حملوں کو ناکام بنا دیا۔

میچ کے دوسرے ہاف کے چھے منٹ بعد تک یہ میچ بے نتیجہ تھا جب الہلال کے میلکوم نے گیند کو کراس کیا اور ان کی ٹیم کے برازیل سے تعلق رکھنے والے ساتھی مائیکل نے فری ہیڈ کے ذریعے گول کرکے اپنی ٹیم کو برتری دلادی لیکن رونالڈو نے ان کی یہ برتری جلد ہی ختم کردی۔

رونالڈو نے اضافی وقت کے پہلے ہاف میں اس وقت اپنی برتری دُگنا کر دی جب انھوں نے کراس بار سے واپس آنے والے بال پر ہیڈ کے ذریعے گول کردیا۔

تاہم اس وقت خدشات نے جنم لیا جب رونالڈو کو اضافی وقت کے دوسرے وقفے میں ٹکر لگنے کی وجہ سے میدان سے باہر جانا پڑگیا۔دوروز بعد ہی ان کی ٹیم الاتفاق کلب کے خلاف سعودی پرولیگ کا افتتاحی میچ کھیلنے والی ہے۔

مقبول خبریں اہم خبریں

مقبول خبریں