مریضہ کا معائنہ کرتے ہوئے ڈاکٹر کا انتقال، مشہور معالج کی ناگہانی موت پرمصرمیں سوگ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصر میں ایک ڈاکٹر کی مریضہ کا معائنہ کرتے ہوئے موت کی خبر نے ہر طرف صدمے کی لہر دوڑا دی۔ ڈاکٹر مریضہ کے گھرپر اس کے معائنے کے لیے آیا مگر واپسی پر اس کی لاش گھر لائی گئی جس پر گھر میں کہرام برپا ہوگیا۔

شمالی مصر میں غربیہ گورنری کے شہر طنطا میں پیش آنے والے اس سانحے کے بعد علاقے میں سوگ کا سماں ہے۔ کیونکہ گورنری کے مشہور ماہر آنکولوجسٹ ڈاکٹر ایہاب الشیخ اتوار کی شام ایک مریضہ کے معائنے کے دوران چل بسے تھے۔ وہ مریضہ کا معائنہ کرنے اس کی درخواست پر اس کے گھر آئے کیونکہ خاتون ان کے نجی کلینک جانے کے قابل نہیں تھی۔

IMG-0118
IMG-0118

یہ بھی معلوم ہوا کہ ڈاکٹر پر عارضے نے اچانک اور جان لیوا وار کیا جس کی وجہ سے اس کی موت واقع ہو گئی۔

چونکا دینے والی خبر پھیلتے ہی شہر کے لوگوں میں غم اور صدمے کی لہر دوڑ گئی۔ سوشل میڈیا پر ہرطرف ڈاکٹر ایہاب کی وفات پر ماتم اور افسوس کا اظہار کیا جا رہا ہے۔

خیال رہے کہ مرحوم ڈاکٹر ایہاب الشیخ ایک انسان دوست معالج تھے اور علاقے میں دور دور تک ان کا شہرہ تھا۔ وہ اکثر مریضوں کو دیکھنے اور ان کا معائنہ کرنے ان کےگھروں میں بھی چلے جاتے تھے۔ ان کی ناگہانی موت پر ہرآنکھ اشک بار ہے۔

مقبول خبریں اہم خبریں

مقبول خبریں