زیمبیا میں سونے اور نقدی سے لدا جہاز ضبط، 6 مصریوں سمیت غیرملکی گینگ گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

زیمبیا میں حکام نے ایک چارٹرڈ پرائیویٹ طیارہ قبضے میں لینے کے بعد اس میں سوار کئی غیرملکیوں کو حراست میں لیا ہے جب کہ طیارے سے بڑی مقدار میں سونا اور امریکی کرنسی میں رقم برآمد کی گئی ہے۔

یہ طیارہ منگل کی شام قاہرہ سے زیمبیا پہنچا تھا جس میں 6 مصری، ایک ولندیزی، ایک ہسپانوی، ایک لیٹوینی شہری اور زیمبیا کا ایک شہری سوار تھے۔ انہیں تفتیش کے لیے حراستی مرکز میں منتقل کر دیا گیا۔

زیمبیا کے انسداد منشیات کمیٹی کے ڈائریکٹر جنرل نیسن پانڈا نے گذشتہ روز زیمبیا کے دارالحکومت لوساکا میں منعقدہ ایک پریس کانفرنس میں اس واقعے کی تفصیل بیان کی۔

پانڈا نے کہا کہ طیارہ "خطرناک سامان" لے کر دارالحکومت کے کینتھ کاؤنڈا بین الاقوامی ہوائی اڈے پر اترا، جہاں انسپکٹرز کو 56 لاکھ ڈالر کے پیکٹ اور 127.2 کلو گرام وزنی سونے کے 602 ٹکڑے ملے۔ اس کے علاوہ جہاز سے 5 پستول اور 126 گولیاں بھی برآمد کی گئیں۔ آپریشن کے نتیجے میں نجی طیارہ قبضے میں لے لیا گیا۔ طیارہ مقامی ایئر لائن کا تھا"۔ انہوں نے مزید کہا کہ یہ رقم بینک آف زیمبیا کی تحویل میں دی گئی ہے اور مزید تحقیقات جاری ہیں۔

کانوں اور معدنیات کی ترقی کے وزیر پال کاپوسوئی نے بھی پریس کانفرنس سے خطاب کیا اور کہا کہ جہاز سے جو سونا ملا ہے وہ 4 ڈبوں میں پیک تھا جس میں 58 سے 61 فیصد تانبا، 38 سے 41 فیصد زنک اور ٹین کی مقدار کا پتہ چلتا ہے۔

مقبول خبریں اہم خبریں

مقبول خبریں