زمبابوے کرکٹ ٹیم کے سابق کپتان طویل علالت کے بعد وفات پا گئے

سابق کپتان اور فاسٹ بولر ہیتھ سٹریک جگر کے کینسر میں مبتلا تھے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

زمبابوے کرکٹ ٹیم کے سابق کپتان اور فاسٹ بولر ہیتھ سٹریک طویل علالت کے بعد وفات پا گئے۔ ان کی اہلیہ نادین سٹریک نے ایک فیس بک پوسٹ میں اپنے شوہر کے انتقال کی تصدیق کی۔

غیرملکی خبررساں ادارے کے مطابق زمبابوے کرکٹ ٹیم کے سابق کپتان اور فاسٹ بولر ہیتھ سٹریک جِگر کے کینسر کے باعث زیرِعلاج رہے۔ گزشتہ ماہ اگست کو بھی ہیتھ سٹریک کے انتقال کی خبر سامنے آئی تھی جس کی بعد ازاں ان کے اہلخانہ نے تردید کر کے افواہ قرار دیا تھا۔

ہیتھ سٹریک کی عمر 49 برس تھی۔ وہ 16 مارچ 1974 کو بولاوائیو میں پیدا ہوئے تھے۔ انہوں نے دسمبر 1993 میں پاکستان کے خلاف کراچی میں اپنے ٹیسٹ کیریئر کا ڈیبیو کیا تھا۔ ہیتھ سٹریک نے اپنا آخری ٹیسٹ میچ 2005 میں انڈیا کے خلاف ہرارے میں کھیلا۔

انہوں نے 65 ٹیسٹ میچز کی 107 اننگز میں 22 کی اوسط سے ایک ہزار 990 رنز سکور کئے جس میں ایک سینچری اور 11 نصف سینچریاں شامل تھیں۔ انہوں نے 216 کھلاڑیوں کو آئوٹ کیا۔ ہیتھ سٹریک نے ایک روزہ کرکٹ کیریئر کا آغاز بھی 1993 میں جنوبی افریقہ کے خلاف میچ کھیل کر کیا۔

ون ڈے میں ہیتھ سٹریک نے بطور بولر 189 میچز کی 185 اننگز میں 239 وکٹیں حاصل کیں۔ انہوں نے ون ڈے میں 28 کی اوسط سے 2943 رنز بھی سکور کئے۔

مقبول خبریں اہم خبریں

مقبول خبریں