تُرکیہ میں کویتی سیاح تشدد سے بے ہوش: واقعے کی ویڈیو جاری

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

تُرکیہ میں سوشل میڈیا پر ایک لڑائی جھگڑے کی ویڈیو تیزی کے ساتھ وائرل ہو رہی ہے جس میں ایک کویتی سیاح کو تشدد کا نشانہ بنایا گیا۔

سوشل میڈیا پر تُرکیہ کے شہر ترابزون میں ایک سیاح پرحملے کی ویڈیو سامنے آئی۔ ایک چونکا دینے والا منظر دکھایا گیا جس میں اسے زمین پربے ہوش پڑے دیکھا جا سکتا ہے۔ اس کے ارد گرد بڑی تعداد میں اس کے رشتہ دار اور راہ گیر جمع ہیں۔

ترکیہ کے ایک اکاؤنٹ سے ان مناظر پر تبصرہ کرتے ہوئے وضاحت کی کہ دونوں افراد کے درمیان جو کچھ ہوا وہ ایک غلط فہمی تھی۔ حملہ آور کو گرفتار کر لیا گیاہے جب کہ زخمی شخص کو علاج کے لیے ہسپتال منتقل کر دیا گیا۔

"ایکس" پلیٹ فارم پر "ترک افیئرز" اکاؤنٹ نے اشارہ کیا کہ کویتی سیاح کو ترکوں کے حملے کے بعد سر میں شدید چوٹ آئی۔ یہ واقعہ اس وقت پیش آیا جب وہ ترابزون اسکوائر میں اپنے اہل خانہ کے ساتھ چہل قدمی کر رہا تھا۔

ترابزون کے گورنر کے دفتر نے واقعے کی تفصیلات کے بارے میں ایک بیان جاری کیا ہے جس میں "کویتی سیاح پر حملہ کرنے والے ملزم کی گرفتاری" کی تصدیق کی گئی ہے۔

بیان میں کہا گیا ہے "16 ستمبر 2023 کو ترابزون کے سٹی اسکوائر میں جائے وقوعہ پر موجود پولیس نے دو سیاحوں کے درمیان زبانی جھگڑا ختم کرنے کی کوشش کی۔"

بیان کے مطابق ایک ترک شہری نے اس واقعے میں مداخلت کی، جب اس نے صورتحال کو "غلط سمجھا۔ اس وقت سیاح پولیس کے خلاف مزاحمت کر رہے تھے۔

جھگڑے کے دوران ترک شخص نے سیاحوں میں سے ایک کو کوئی چیز ماری جس سے وہ زمین پر گر گیا۔ مشتبہ شخص کو پولیس نے فوری طور پر گرفتار کر لیا۔ پبلک پراسیکیوٹر کی ہدایت پر اس کے خلاف مجرمانہ تفتیش شروع کر دی گئی ہے۔

مقبول خبریں اہم خبریں

مقبول خبریں