سعودی حکام نے ایمفیٹامین کی 80 لاکھ گولیاں اسمگل کرنے کی کوشش ناکام بنا دی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی حکام نے متحدہ عرب امارات اور مملکت کے درمیان البطحا بارڈر کراسنگ کے ذریعے منشیات ایمفیٹامین کی قریباً 80 لاکھ گولیاں اسمگل کرنے کی کوشش ناکام بنا دی ہے۔

سعودی عرب کی سرکاری خبر رساں ایجنسی (ایس پی اے) کے مطابق حکام نے مشرقی صوبہ میں سرحدی گذرگاہ پر پلاسٹک پینلز کی ایک کھیپ پکڑی ہے اور ان میں چھپائی گئی ایمفیٹامین کی 7,920,000 گولیاں ضبط کی ہیں۔

انھوں نے یہ کارروائی متحدہ عرب امارات کے متعلقہ حکام اور مملکت کی زکوٰۃ، ٹیکس اور کسٹمز اتھارٹی (زاتکا) کے تعاون سے کی ہے۔ایس پی اے کا کہنا ہے کہ اس کھیپ کو دارالحکومت الریاض میں دو شامی باشندوں اور چار سعودی شہریوں نے وصول کرنا تھا۔ان تمام چھے افراد کو گرفتار کر لیا گیا ہے۔

مقبول خبریں اہم خبریں

مقبول خبریں