لاکھوں لیرا مالیت کی منشیات قالینوں میں چھپا کر ترکیہ سمگل کرنے کی کوشش ناکام

کچھ دن قبل ترک حکام نے کیپٹاگون گولیوں کی بڑی مقدار قبضے میں لینے کا بھی اعلان کیا تھا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ترک حکام نے ملک کے مصروف ترین ہوائی اڈوں میں سے ایک بین الاقوامی ہوائی اڈے پر کروڑوں ترک لیرا مالیت کی کئی کلو گرام منشیات قبضے میں لینے کا اعلان کیا ہے۔

تفصیلات کے مطابق، استنبول ایئرپورٹ پر ترک کسٹمز حکام نے 17 کلو گرام میتھم فیٹامائن برآمد کی، جو ترکی میں سمگل کرنے کے لیے قالین کے اندر چھپائی گئی تھی۔

ترکی کی وزارت تجارت نے انکشاف کیا کہ، کل، پیر کو کسٹم ریسکیو ٹیموں نے استنبول انٹرنیشنل ایئرپورٹ پر ایکسپریس کارگو سیکشن پر پہنچنے والے سامان کی تربیت یافتہ پولیس کتوں کی مدد سے جانچ کے دوران قالینوں کے اندر چھپائی گئی میتھم فیٹامائن کی بڑی مقدار برآمد کی۔

کچھ گھنٹے قبل وزارت کی طرف سے جاری کردہ بیان کے مطابق، منشیات کی مالیت تقریباً 18 ملین ترک لیرا ہے۔

استنبول ہوائی اڈے کا منظر
استنبول ہوائی اڈے کا منظر

استنبول میں سکیورٹی حکام نے منشیات قبضے میں لے کر تحقیقات شروع کر دیں۔

خیا رہے کہ ترکی سے منشیات سمگل کرنے کی کوششیں غیر معمولی طور پر ہوتی رہتی ہیں۔کچھ روز قبل ترک حکام نے کیپٹاگون گولیوں کی بڑی مقدار قبضے میں لینے کا بھی اعلان کیا تھا۔

ترکی کے وزیر تجارت عمر پولات نے چند روز قبل ایک اخباری بیان میں کسٹم اور بارڈر کنٹرول ٹیموں کی کوششوں اور کارکردگی کو سراہتے ہوئے استنبول کی بندرگاہ امبرلی میں منشیات کی بڑی مقدار پکڑنے کا اعلان کیا تھا۔

وزیر نے اس وقت انکشاف کیا کہ خصوصی ٹیموں نے ایک کنٹینر کے اندر چھپائی گئی 2.4 ملین کیپٹاگون منشیات کی گولیاں ضبط کیں، جن کا وزن 424 کلو گرام ہے، اور جن کی مالیت کا تخمینہ تقریباً 180ملین ترک لیرا لگایا گیا ہے۔

مقبول خبریں اہم خبریں

مقبول خبریں