غزہ متاثرین کے لیے تیسرا سعودی امدادی بحری جہاز مصر پہنچ گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شاہ سلمان مرکز کی جانب سے غزہ متاثرین کے لیے تیسرا بحری جہازامدادی سامان لے کر مصر کی سعید بندر گاہ پر پہنچ گیا۔ امدادی اشیا میں کھانے پینے کے سامان کے علاوہ ادویات وغیرہ شامل ہیں۔

سعودی خبر رساں ایجنسی ’ایس پی اے‘ کے مطابق تیسرے بحری جہاز میں 300 کنٹینرز کے ذریعے 12 سو 46 ٹن امدادی سامان ارسال کیا گیا۔

ریلیف اشیاء کی ترسیل کی نگرانی کرنے والے ایک اہلکار کا کہنا ہے کہ 200 کنٹینرز میں طبی لوازمات اور ہسپتالوں کے لیے ضروری ساز وسامان ارسال کیا گیا ہے جبکہ ایک کنٹینر میں اشیائے خور ونوش اور بچوں کے لیے دودھ اور دیگر ضروری امدادی سامان شامل تھا۔

واضح رہے اس سے قبل دو بحری جہاز شاہ سلمان امدادی مرکز کی جانب سے غزہ متاثرین کے لیے ارسال کیے جا چکے ہیں جو مصر کے سعید بندرگاہ پر پہنچے۔

پورٹ سعید سے امدادی سامان کو غزہ کے قریب ہلال الاحمر کے اسٹور میں پہنچایا جائے گا جہاں سے سامان غزہ متاثرین میں تقسیم کیا جائے۔

مقبول خبریں اہم خبریں

مقبول خبریں