فلسطین اسرائیل تنازع

روسی صدر کا مصری صدر السیسی کے ساتھ فون پر تبادلہ خیال، غزہ میں مدد پر اظہار تشکر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

روس کے صدر ولادی میر پوتین نے ہفتے کے روز مصری صدر السیسی کو فون کر کے خطے کی تازہ ترین صورت حال پر تبادلہ خیال کیا ہے۔ روسی صدر نے اپنے دورہ سعودی عرب اور دورہ امارات کے بارے میں بھی صدر السیسی کو اعتماد میں لیا۔

صدر السیسی کو پوتین کی یہ فون کال ایسے وقت میں موصول ہوئی ہے جب وہ اگلی مدت کے لیے بھی صدارتی انتخاب لڑ رہے ہیں۔ صدر پوتین نے بھی ایک روز قبل ہی اگلے سال مارچ میں متوقع روسی صدارتی انتخاب میں امیدوار بننے کا اعلان کیا ہے۔

کریملن کے مطابق پوتین نے اس فون کال کے دوران صدر السیسی کو سعودی عرب اور امارات میں ہونے والی بات چیت سے آگاہ کیا اور السیسی کا شکریہ ادا کیا کہ وہ کس طرح اپنی انتخابی مصروفیات کے باجود غزہ کے لیے امدادی کارروائیوں میں مصروف رہے۔ پوتین نے ان کے لیے نیک تمناؤں کا بھی اظہار کیا۔

واضح رہے روسی صدر یہ بات بار بار کہ چکے ہیں کہ مشرق وسطیٰ میں امریکی سفارتی ناکامی کی وجہ سے حالات اس نہج کو پہنچے ہیں۔ روس خطے میں اپنے اثرات بڑھانے کے لیے سرگرم نظر آتا ہے ۔ چین بھی اس سمت میں اپنی کوششوں کا آغاز کر چکا ہے۔

مقبول خبریں اہم خبریں

مقبول خبریں