ہم اسرائیل کو صلاح الدین محور پر کنٹرول نہیں کرنے دیں گے: مصری عہدیدار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

پیر کو عرب ورلڈ نیوز ایجنسی نے یہ اطلاع دی کہ مصر کے ایک سکیورٹی اہلکار نے پیر کے روز اس بات پر زور دیا کہ قاہرہ اسرائیل کو مصر اور غزہ کی پٹی کے درمیان صلاح الدین سرحدی محور کو کنٹرول کرنے کی اجازت نہیں دے گا۔

"ہم غیر قانونی سرگرمیوں کی اجازت نہیں دیتے"

مصری اہلکار نے مزید کہا کہ غزہ کے ساتھ سرحد کو کنٹرول کرنا مصر کی ذمہ داری ہے۔ ہم کسی بھی غیر قانونی سرگرمی کی اجازت نہیں دیتے۔ دونوں ملکوں کے درمیان امن معاہدہ اسرائیل کو صلاح الدین "فلاڈیلفیا" کے محور میں کسی بھی فوجی نقل و حرکت سے روکتا ہے۔

انہوں نے سرحد پار سے غزہ کی پٹی میں ہتھیاروں کی سمگلنگ کے الزامات کی بھی تردید کی۔

اسرائیل کے ساتھ کوئی سکیورٹی تعاون نہیں

مصری اہلکارنے اس بات کی تردید کی کہ فلاڈیلفیا کے محور پر نئے حفاظتی اقدامات کے حوالے سے اسرائیل کے ساتھ ہم آہنگی پائی جاتی ہے۔ انہوں نے اس حوالے سے بین الاقوامی میڈیا میں آنے والی خبروں کو بے بنیاد قرار دیا تھا۔

صلاح الدین محور جسے "فلاڈیلفیا ایکسس" کہا جاتا ہے غزہ کی پٹی کے اندر شمال میں بحیرہ روم سے لے کر جنوب میں کارم شالوم کراسنگ تک مصر کی سرحد کے ساتھ پھیلا ہوا ہے جس کی لمبائی تقریباً 14 کلومیٹر ہے۔

امریکی جریدے وال اسٹریٹ جرنل نے ہفتے کے روز اسرائیلی ذرائع کے حوالے سے بتایا کہ اسرائیل نے مصر کو جلد ہی فلاڈیلفیا کے محور کو کنٹرول کرنے کے اپنے منصوبے سے آگاہ کر دیا ہے۔

مقبول خبریں اہم خبریں

مقبول خبریں