ہنگاموں کا شکار خطہ ٹھوس امن مساعی کا متقاضی ہے: سعودی وزیر خارجہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کے وزیر خارجہ شہزادہ فیصل بن فرحان نے زور دے کر کہا کہ مشرق وسطیٰ کا خطہ بدامنی کا شکار ہے اور ہمیں کشیدگی کو بڑھانے کی ضرورت نہیں ہے۔

"کشیدگی میں کمی ایک ترجیح ہے"

سعودی وزیر خارجہ نے بحیرہ احمر میں کشیدگی اور خطے میں عمومی طور پر سلامتی کے بارے میں مملکت کی تشویش کا اظہار کرتے ہوئے کہا کہ بحیرہ احمر میں بڑھتی ہوئی کشیدگی کو کم کرنا اولین ترجیح ہے۔

منگل کو ڈیووس میں ورلڈ اکنامک فورم میں ایک ڈائیلاگ سیشن کے دوران سعودی وزیر خارجہ نے کہا کہ غزہ کی جنگ پورے خطے کو بڑے خطرات میں گھسیٹ رہی ہے۔ انہوں نے کہا کہ غزہ میں فوری جنگ بندی ہونی چاہیے۔

ان کا کہنا تھا کہ ’’بحیرہ احمر میں ہونے والے حملوں کا تعلق غزہ کی جنگ سے ہے‘‘۔

'جنگ روکنے کے کوئی آثار نہیں'

انہوں نے مزید کہا کہ "ہمیں اسرائیل کی طرف سے جنگ اور کشیدگی کو روکنے کے لیے کوئی نشان نظر نہیں آتے۔ ہماری ترجیح کشیدگی کو کم کرنے کے لیے راستہ تلاش کرنا ہے اور اس کا انحصار غزہ میں جنگ کو روکنے پر ہے"۔

سعودی وزیر خارجہ نے کہا کہ "غزہ میں جنگ کو روکنے کے لیے بین الاقوامی برادری کو مزید کچھ کرنا چاہیے۔ غزہ میں جنگ مسلسل مصائب بڑھنے کے واقعات کا باعث بنیں گی"۔

جب کہ انہوں نے مزید کہا کہ "اسرائیل کی سلامتی فلسطینیوں کی سلامتی کو ان کی ریاست کے قیام سے منسلک ہے"۔

مقبول خبریں اہم خبریں

مقبول خبریں