سعودی ولی عہد کی روضہ رسول پر حاضری، مسجد نبوی میں نماز ادا کی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی ولی عہد شہزادہ محمد بن سلمان آل سعود نے مدینہ منورہ میں مسجد نبوی کے اندر ریاض الجنہ میں نماز ادا کی اور روضہ رسول پر حاضری دی ہے۔

سرکاری خبر رساں ایجنسی ایس پی اے کے مطابق شہزادہ محمد بن سلمان مسجد قبا بھی گئے اور دو رکعت نماز ادا کی۔

سعودی ولی عہد شہزادہ محمد سلمان مسجد نبوی میں نماز ادا کر رہے ہیں۔ [ایس پی اے]
سعودی ولی عہد شہزادہ محمد سلمان مسجد نبوی میں نماز ادا کر رہے ہیں۔ [ایس پی اے]

مدینہ منورہ کے دورے کے موقع پر قصر طیبہ میں منعقدہ ایک استقبالیہ تقریب کے دوران معزز علما اور شہریوں کے ایک گروپ نے ولی عہد شہزادہ محمد بن سلمان سے ملاقات اور ان کا خیرمقدم کیا۔

سعودی ولی عہد شہزادہ محمد سلمان کا دورہ مدینہ۔ [ایس پی اے]
سعودی ولی عہد شہزادہ محمد سلمان کا دورہ مدینہ۔ [ایس پی اے]

اس سے قبل شہزادہ محمد بن سلمان نے ریاض کے قصرالیمامہ میں مملکت کے مفتی اعظم، شہزادوں، علما، وزرا اور شہریوں سے ملاقات کی تھی۔
ولی عہد نے رمضان المبارک کی آمد پر مبارکباد دی اور دعا کی کہ ’اللہ ہم سب کے روزے، عبادات اور نیک اعمال کو قبول کرے۔‘

سعودی ولی عہد شہزادہ محمد سلمان مسجد قبا نماز ادا کر رہے ہیں۔ [ایس پی اے]
سعودی ولی عہد شہزادہ محمد سلمان مسجد قبا نماز ادا کر رہے ہیں۔ [ایس پی اے]

’خادم حرمین شریفین شاہ سلمان بن عبدالعزیز کی قیادت میں وطن عزیز کی سلامتی اور استحکام کو برقرار رکھے۔‘

بعد ازاں ولی عہد جمعرات کی صبح مدینہ منورہ سے روانہ ہو گئے۔ گورنر شہزادہ سلمان بن سلطان اور نائب گورنر نے انہیں رخصت کیا۔

مقبول خبریں اہم خبریں

مقبول خبریں