ترکیہ: خاتون نے عجیب وجہ کے باعث شوہر سے طلاق کا مقدمہ دائر کردیا

شوہر فون پر خاتون بن کر مردوں کو اکساتا اور انہیں رقم بھیجنے پر مجبور کرتا تھا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

ایک ترک خاتون کی جانب سے اپنے شوہر کے خلاف دائر طلاق کے مقدمے نے ترکیہ میں سوشل میڈیا پر بڑی جگہ بنا لی ہے۔ اس مقدمہ میں خاتون نے ایک عجیب وجہ سے اپنے شوہر سے علیحدگی کی درخواست دائر کردی۔ اس وجہ کو جان کر سوشل میڈیا پر سرگرم افراد نے خاتون کے ساتھ اظہار ہمدردی کیا اور اس کی علیحدگی کی درخواست کی تائید کی۔ خاتون نے شوہر پر ٹیڑھے اور غیر اخلاقی طریقوں سے رقم حاصل کرنے کا الزام لگایا۔

چند روز قبل ایک ترک خاتون نے اپنے شوہر کے خلاف اس وقت طلاق کا مقدمہ دائر کردیا جب اسے پتہ چلا کہ وہ غیر اخلاقی اور مکروہ طریقوں سے رقم وصول کر رہا ہے۔ خاتون جج کو بتایا کہ اس کا شوہر سالوں سے ایک خاتون کا روپ دھار کر فون پر مردوں کو دھوکہ دیتا ہے۔ اس کا شوہر خاتون بن کر مردوں کو اکساتا اور پھر انہیں پیسے بھیجنے پر مجبور کرتا ہے۔

بیوی کی جانب سے اپنے ساتھی سے علیحدگی کی عجیب و غریب وجہ سوشل میڈیا ویب سائٹس پر بحث کا موضوع بن گئی۔ خاتون نے مزید بتایا کہ میرے شوہر نے خواتین کے موزے پہن رکھے تھے اور فون پر عورت ہونے کا بہانہ کر رہا تھا، وہ مردوں سے بات کر رہا تھا اور سوشل نیٹ ورکنگ سائٹس پر بنائے گئے جعلی اکاؤنٹس کے ذریعے انہیں دھوکہ دے رہا تھا۔

طلاق کا یہ مقدمہ ترکیہ میں اپنی نوعیت کا پہلا مقدمہ ہے۔ بیوی نے اپنے شوہر کے اس طریقے کو اپنے لیے " سکینڈل" سمجھا۔ اس نے اپنے بیانات میں مزید کہا کہ میرے شوہر نے مردوں کو دھوکہ دینے اور انہیں پیسے بھیجنے پر مجبور کرنے کے لیے ایک عورت کی نقالی کی۔

بیوی کے بیانات کے مطابق اس کے شوہر کو ہر ویڈیو کال کے لیے 100 ترک لیرا (تقریباً 4 امریکی ڈالر) ادا کیے گئے جس میں وہ اپنی خواتین کے جرابوں سے مردوں کو پھنسانے کی کوشش کرتا نظر آیا۔ مختلف قومیتوں کے مرد اس ترک شخص کا شکار ہو گئے جو ان کالز کو ریکارڈ کر رہا تھا اور ان کی گفتگو کی تصاویر بھی لے رہا تھا۔

دھوکہ باز شوہر کا خیال تھا کہ اس کی بیوی اسے ظاہر نہیں کرے گی۔ لیکن بیوی نے اس کا پردہ فاش کردیا اور اس حوالے سے اپنے شوہر کی ایک تصویر کھینچ لی جس میں وہ خواتین کے موزے پہنے ہوئے اور ایک بچہ پکڑے ہوئے تھا تاکہ فون کرنے والے کو یقین ہو کہ وہ ایک عورت ہے۔ ترکیہ کی ایک عدالت اپنے شوہر سے علیحدگی سے متعلق بیوی کی درخواست پر بعد میں فیصلہ کرے گی۔ امکان ہے کہ ترک مرد کو "سائبر کرائمز" کے ارتکاب کی سزا دی جا سکتی ہے۔

مقبول خبریں اہم خبریں

مقبول خبریں