.

نامناسب سرگرمیوں کے باعث 3 شامی سفارتکار سعودی عرب سے بے دخل

بیدخل اہلکاروں کی شناخت ظاہر نہیں کی گئی

پہلی اشاعت: آخری اپ ڈیٹ:
سعودی حکومت نے جدہ میں شامی قونصل خانے کے تین اہم اہلکاروں کو ملک سے نکال دیا ہے۔

سعودی وزارت خارجہ نے العربیہ کو بتایا کہ شامی قونصل خانے کے بیدخل کئے جانے والے اہلکار غیر سفارتی سرگرمیوں میں ملوث تھے۔ زیر نگرانی ان عہدیداروں کو اس پر کئی مرتبہ متنبہ کیا گیا لیکن اس کے باوجود انہوں نے اپنی غیر سفارتی سرگرمیاں ترک نہیں کیں۔ ملک بدر کیے گئے سفارتی عملے کا عہدہ اور شناخت ظاہر نہیں کی گئی۔



خیال رہے کہ شام میں پچھلے ڈیڑھ سال سے جاری عوامی بغاوت کے نتیجے میں دونوں ملکوں کے درمیان تعلقات سخت کشیدہ ہیں۔ سعودی حکومت نے گذشتہ برس فروری میں شامی سفیرکو ناپسندیدہ شخصیت قرار دے کرملک سے نکال دیا تھا۔ بعد ازاں ریاض میں سعودی سفارت خانہ بھی مکمل طور پر بند کر دیا گیا تھا۔ البتہ ملک کے بعض شہروں میں قونصل خانے تاحال قائم ہیں۔