.

سلامتی کو درپیش خطرہ ٹھنڈے پیٹوں برداشت نہیں کیا جائے گا

مسائل کا حل مذاکرات کے ذریعے ممکن ہے: امیر کویت

پہلی اشاعت: آخری اپ ڈیٹ:
امیر کویت الشیخ صباح احمد الجابر الصباح نے کہا ہے کہ 'ہم قومی وحدت کے تحفظ اور جمہوریت کو مضبوط بنانے کے لئے کوشاں ہیں'۔ انہوں نے یہ بات زور دیکر کہی کہ'ہم کویت کی سلامتی کو خطرات سے دوچار کرنے والی کسی بھی پیش رفت پر خاموش نہیں بیٹھیں گے'۔

ان خیالات کا اظہار انہوں نے سوموار کے روز اپنے خطاب میں کیا۔ الشیخ صباح احمد الجابر الصباح نے مزید کہا کہ 'انتخابی قوانین میں ترمیم مفاد عامہ کو یقینی بنائے گی۔ اس ترمیم کے لئے کویت کی پیش آئند پارلیمنٹ [مجلس الامہ] کو مکمل اختیار حاصل ہو گا۔ 'اس ضمن میں جب تک قانون دان اپنی رائے نہیں دیتے کوئی فیصلہ نہیں کیا جائے گا کیونکہ ہم قومی مفاد کا تحفظ چاہتے ہیں۔

انہوں میں ملک میں حالیہ کشیدگی کا ذکر کرتے ہوئے کہا کہ قانون نافذ کرنے والے اداروں کے اہلکاروں نے معاملات کو ٹھنڈا کرنے کی کوشش کی ہے۔ نیز متعلقہ اداروں کی تفتیش میں متعدد ایسے سوالات بھی اٹھائے گئے ہیں جن کا حالیہ کارروائیوں سے تعلق ہو سکتا ہے۔ انہوں نے کہا کہ اختلاف برائے اختلاف سے مسائل حل نہیں ہوتے بلکہ اس مقصد کے لئے مذاکرات اور قانونی طریقے ہی اصل منزل کی طرف لیجاتے ہیں۔