مسجد اموی کے امام شامی اپوزیشن اتحاد کے نیا سربراہ مقرر

ترکی میں شامی پناہ گزین کیمپ زیر آب، کئی خیمے بہہ گئے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

درایں اثناء ترکی میں طوفانی بارشوں کے باعث شامی پناہ گزینوں کے کیمپ 'بخشین' میں پانی کا ایک ریلہ داخل ہوا ہے جس کےنتیجے میں کئی خیمے بہہ گئے ہیں۔ بخشین کیمپ میں شامی مہاجرین کی تعداد ایک ہزار سے زائد بتائی جاتی ہے۔ ان میں بیشتر عورتیں، بچے اور معمر افراد شامل ہیں۔

شام کی نیشنل کونسل کے زیر انتظام رپورٹر نیٹ ورک کے مطابق موسلا دھار بارش کے باعث بخشین کیمپ کے متاثرین کو سخت مشکلات کا سامنا کرنا پڑا ہے۔ لوگ کئی گھنٹے تک بارش میں کھڑے رہے اور پانی خشک ہونے کے بعد پانی اور کیچڑ سے لتھڑے بستروں پر بیٹھنے پر مجبور تھے۔ ترک حکام نے کیمپ کی صورت حال کی میڈیا کوریج کی اجازت بھی نہیں دی اور نہ ہی انسانی حقوق کے کارکنوں کو پناہ گزینوں کی مدد کے لیے کیمپ میں داخل ہونے دیا گیا۔

دوسری جانب شام میں محاذ جنگ سے ملنے والی اطلاعات کے مطابق درعا میں سرکاری فوج نے باغیوں کے ٹھکانوں پر توپخانے سے گولہ باری کی ہے۔ اِدلب، حسکہ، دمشق میں القدم اور العسالی کالونیوں میں باغیوں اور شامی فوج کے درمیان خون ریز لڑائی ہو رہی ہے۔

پچھلے چوبیس گھنٹوں کے دوران دمشق اور دیر الزور کے مقامات پر گولہ باری کے نتیجے میں 72 افراد کی ہلاکت کی اطلاعات ہیں۔ زیادہ ہلاکتیں دمشق کی مضافاتی کالونیوں حرستا اور عربین میں ہوئیں جہاں اسد نواز فوجیوں نے عام شہریوں پر راکٹوں اور مارٹرگنوں سے کئی گھنٹے تک شیلنگ کی۔ دیرالزور میں زور دار دھماکوں کی بھی اطلاعات ملی ہیں تاہم ان کی نوعیت کے بارے میں مزید تفصیلات سامنے نہیں آ سکی ہیں۔

مقبول خبریں اہم خبریں

مقبول خبریں