.

وسطی غزہ پر اسرائیلی بمباری، القسام بریگیڈ کا اہم کمانڈر شہید

ابو جلال المغازی کیمپ پر اسرائیلی حملے میں شہید ہوئے

پہلی اشاعت: آخری اپ ڈیٹ:
مقبوضہ بیت المقدس سے العربیہ کے نامہ نگار زیاد حلبی کے مراسلے کے مطابق حماس کے عسکری شعبے کا کمانڈر احمد ابو جلال غزہ کے وسط میں ہونے والی اسرائیلی گولا باری میں جام شہادت نوش کر گئے۔

نامہ نگار کے مطابق ابو جلال جمعہ کے روز المغازی کیمپ پر ہونے والی اسرائیلی بمباری سے شہید ہونے والے چار فلسطینیوں میں شامل تھے۔ اس حملے میں ان کا بھائی بھی اپنی جان سے ہاتھ دھو بیٹھا۔

حالیہ شہادتوں کے بعد بدھ کے روز سے غزہ پر جاری اسرائیلی بمباری میں شہید ہونے والے افراد کی تعداد 29 ہو گئی ہے۔ فلسطینی وزارت صحت کے مطابق ان حملوں میں 300 افراد زخمی ہوئے ہیں، جن میں مرد، خواتین، بوڑھے اور بچے شامل ہیں۔

اسرائیل نے جمعہ کے روز اپنی بمباری کا زور جنوبی غزہ کی تل الھوی اور الصبرہ کالونیوں پر مرکوز رکھا۔ اس کے علاوہ جبالیا کیمپ اور التفاح کالونی پر اسرائیلی حملے جاری رہے۔