غزہ پر اسرائیلی جارحیت فتح اور حماس اختلافات ختم کرنے پر آمادہ

اسرائیلی حملوں میں فلسطینیوں کی شہادتوں میں اضافہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
4 منٹس read

ادھر غزہ کی پٹی کے مختلف علاقوں پر اسرائیلی فوج نے فضائی حملے جاری رکھے ہوئے ہیں اور سوموار کو مزید کم سے کم بیس فلسطینی شہید ہو گئے ہیں۔ اسرائیلی فوج نے غزہ کے جنوبی قصبے خان یونس میں ایک موٹر سائیکل کو میزائل سے نشانہ بنایا ہے جس کے نتیجے میں دو فلسطینی شہید اور ایک کم سن بچہ شدید زخمی ہو گیا۔

غزہ کی ایمبولینس سروس نے شہید ہونے والے دونوں فلسطینیوں کے نام عبداللہ ابو خاطر (عمر تیس سال) اور محمود ابو خاطر (بتیس سال) بتائے ہیں۔ فوری طور پر ان میں باہمی تعلق کے بارے میں کچھ معلوم نہیں ہو سکا۔ قبل ازیں اسرائیلی فوج کے اسی علاقے میں ایک اور حملے میں دو کسان ابراہیم آل آستل اور اوباما آل آستل شہید ہو گئے۔

غزہ شہر کے جنوب میں صہیونی طیاروں نے ایک کار کو میزائل سے نشانہ بنایا۔ اس حملے میں ایک تئیس سالہ نوجوان محمد شمالہ شہید اور اس کے تین ساتھی زخمی ہو گئے۔ غزہ کے وسطی قصبے دیر البلح میں اسرائیلی فوج کے ایک اور حملے میں تین فلسطینی شہید ہو گئے۔ ان کا تعلق ایک ہی خاندان سے تھا اور ان کے نام عامر بشیر، تمل بشیر اور صلاح بشیر بتائے گئے ہیں۔

سوموار کو علی الصباح غزہ شہر کے مشرقی علاقے زیتون میں ایک مکان پر حملے میں دو نوجوان خواتین، ایک بچہ اور ایک نو جوان شہید ہو گیا۔ ان کی عمریں پانچ سے پنتیس سال کے درمیان تھیں۔ غزہ کے قصبے بیت لاہیا میں ایک اور حملے میں ایک پچاس سالہ کسان شہید ہو گیا۔

غزہ شہر پر اسرائیلی فوج جدید ہتھیاروں سے لیس جنگی طیاروں سے حملوں کے علاوہ ساحلی علاقے سے بحری جنگی جہازوں سے بھی گولہ باری کر رہی ہے۔ گذشتہ روز اسرائیلی فوج کے فضائی حملوں میں دس بچوں اور چھے خواتین سمیت اکتیس فلسطینی شہید ہو گئے تھے۔ ان میں ایک ہی خاندان کے نو افراد بھی شامل تھے۔

مقبول خبریں اہم خبریں

مقبول خبریں