حماس ۔ اسرائیل جنگ بندی کی کامیابی پر فلسطین میں جشن کا سماں

جنگ بندی کی خوشی میں ہوائی فائرنگ، ریلیاں، بھنگڑے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

بدھ کی شب مصر اور دیگر عرب ممالک کی کوششوں سے طے پائے امن معاہدے میں فریقین نے ایک دوسرے کی اہم شرائط مان لی ہیں۔ معاہدے کے تحت حماس غزہ سے اسرائیلی آبادیوں میں راکٹ حملوں سمیت سرحد پار کسی قسم کی کارروائیاں نہیں کرے گی۔

دوسری جانب اسرائیل غزہ پر ہرطرح کی جارحیت مکمل بند کرے گا۔ ٹارگٹ کلنگ اور شہر میں دراندازی روک دی جائے گی اور سب سے اہم بات یہ کہ غزہ کی سات سال سے بند راہداریوں کو اگلے چوبیس گھنٹے میں کھول دیاجائے گا۔

فلسطینی خبر رساں ایجنسی 'معا' کے مطابق حماس کا اسرائیل سے غزہ کی ناکہ بندی ختم کرانے کی شرط منظور کرانا ایک بڑی کامیابی ہے۔ معاہدے کی رو سے صہیونی ریاست غزہ کے شہریوں کی دوسرے علاقوں میں آمد ورفت اور باہمی تجارتی سرگرمیوں پر پابندیاں ختم کرے گا۔ فریقین چوبیس گھنٹے میں معاہدے کے تمام نکات پر عملدرآمد کے پابند ہوں گے۔

جنگ بندی معاہدے کی کامیابی اور فریقین کی طرف سے اس پر عملدرآمد کے لیے مصر نے ضمانت فراہم کی ہے۔ فریقین میں سے کسی ایک کی جانب سے معاہدے کی خلاف ورزی کی صورت میں فریق ثانی مصر سے رجوع کرے گا۔

مقبول خبریں اہم خبریں

مقبول خبریں