.

دمشق کے قریب لڑائی سے ہوائی اڈے کو جانے والی شاہراہ بند

دارلحکومت میں انٹرنیٹ و فون سروس میں تعطل

پہلی اشاعت: آخری اپ ڈیٹ:
شامی صدر بشار الاسد کی وفادار فوج اور جیش الحر کے درمیان دمشق سے باہر شدید لڑائی کی وجہ سے ہوائی اڈے کو جانے والی مرکزی شاہراہ بند ہو گئی جس کے باعث امارات اور مصر کی فضائی کمپنیوں نے دمشق کے لئے جمعرات کو اپنی پروازیں منسوخ کر دیں۔

انسانی حقوق کی آبزرویٹری کے مراسلے کے مطابق دمشق کے جنوب مشرقی علاقے میں جمعرات کو جیش الحر اور سرکاری فوج کے درمیان ہونے والی جھڑپیں اب تک کی لڑائی میں سب سے شدید ہیں۔ آبزرویٹری کے ڈائریکٹر رامی عبدالرحمان نے 'رائیٹرز' سے ٹیلی فون پر بات کرتے ہوئے کہا کہ ہوائی اڈے کو جانے والے سارے راستے میں شدید لڑائی ہوتی رہی۔

حزب مخالف کے گڑھ التضامن کالونی سے متصل جنوبی علاقے بابیلا میں سب سے زیادہ لڑائی کی اطلاع ہے۔ اہالیاں دمشق کا کہنا ہے کہ جمعرات کو ظہر کے بعد سے انٹرنیٹ کی فراہمی معطل ہے۔ نیز موبائل اور لینڈ لائن فون سروس بھی وفقے وقفے سے تعطل کا شکار ہو رہی ہے۔



بیس ماہ قبل شروع ہونے والی انتفاضہ کے بعد دارلحکومت میں مواصلاتی سہولتوں میں جمعرات کے روز پیش آنے والا تعطل سب سے زیادہ گھمبیر ہے۔