فوج سیاست سے دور رہے گی: سربراہ مصری فوج

'ملکی حالات کو میڈیا بڑھا چڑھا کر پیش کر رہا ہے'

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مصری فوج کے سربراہ میجر جنرل صدقی صبحی صالح نے کہا ہے کہ فوج مصری سیاست سے کلی طور پر دور رہے لیکن ان کا ادارہ ملک کے اندر ہونے والے واقعات پر نظر رکھے ہوئے ہے۔

ان خیالات کا اظہار مصری جنرل نے العربیہ الحدث سے خصوصی گفتگو کرتے ہوئے کیا۔ انہوں نے کہا کہ انقلاب، جمہوریت اور آزادی اظہار کے نتیجے میں مصر میں سیاسی جدوجہد دیکھی جا رہی ہے تاہم جنرل صدقی نے اس بات پر زور دیا کہ اس جدوجہد کی پرامن ریگولیشن کے لئے قواعد و ضوابط بنانا ہوں گے۔

ان کا کہنا تھا کہ صدر کی جانب سے مذاکرات کی پیشکش کا نتیجہ جلد سامنے آئے گا۔ جنرل صدقی صبحی کے بہ قول مصر کے حالات ٹھیک ہیں تاہم میڈیا انہیں بڑھا چڑھا کر پیش کر رہا ہے۔

مصری چیف آف آرمی سٹاف نے سیناء میں پیش آنے والے معاملات سے متعلق حکومت کی اسٹرٹیجک پالیسی کو سراہتے ہوئے کہا کہ علاقے میں مجرموں کی سرکوبی پولیس کے ذریعے کرائی گئی۔ ان عناصر میں 99 فیصد اس سلاخوں کے پیچھے ہیں۔

غزہ کے ساتھ مصری سرحدی علاقے رفح میں ہلاک کئے جانے والے فوجیوں کے قتل کی تحقیقات کے بارے میں ان کا کہنا تھا کہ اس سلسلے میں تفتیش جاری ہے، یقیناً یہ معاملہ چھوٹا نہیں ہے۔

انہوں نے یہ بات زور دیکر کہی کہ مصری فوج ہمسایہ ملک کے ساتھ سرحد کا دفاع اسی طرح کر رہی ہے جیسے انقلاب سے قبل جاری تھا۔ ان کا کہنا تھا کہ اگر رفح سرحد پر موجود زیر زمین سرنگوں کی موجودگی ملکی سلامتی کے لئے خطرہ بنیں تو انہیں منہدم کرنے کا سلسلہ دوبارہ شروع کر دیا جائے گا۔

مقبول خبریں اہم خبریں

مقبول خبریں