.

شام سے فائر کیا گیا مارٹر گولہ گولان کی پہاڑیوں پر آن گرا

اسرائیل کے مقبوضہ علاقے میں مارٹر گولے سے کوئی نقصان نہیں ہوا

پہلی اشاعت: آخری اپ ڈیٹ:

اسرائیلی فوج نے اپنے زیرقبضہ گولان کی پہاڑیوں پر سوموارکو ایک مارٹر گولہ گرنے کی اطلاع دی ہے اور کہا ہے کہ یہ گولہ شام کی جانب سے فائر کیا گیا تھا۔

اسرائیل کے زیرقبضہ علاقے میں یہ مارٹر گولہ صہیونی فوج کے شامی دارالحکومت دمشق کے نزدیک تین فوجی تنصیبات پر فضائی حملے سے ایک روز بعد گرا ہے۔

اسرائیلی فوج کا کہنا ہے کہ شام کے سرحدی علاقے میں جاری خانہ جنگی کے دوران یہ گولہ ادھر آیا ہے اور اس واقعہ کا اس کے دمشق پر حملے سے کوئی تعلق نہیں ہے۔

واضح رہے کہ حالیہ مہینوں کے دوران متعدد مرتبہ شامی علاقے میں سرکاری فوج اور باغی جنگجوؤں کے درمیان جاری لڑائی میں مارٹر گولے گولان کی پہاڑیوں پر آکر گرے ہیں۔اسرائیلی فوج کا کہنا ہے کہ ان واقعات میں اسرائیل کو نشانہ بنانے کی کوشش نہیں کی گئی تھی۔