شامی بحران، عراق سمیت پورا علاقہ خطرے میں پڑ گیا

ایران کو شام میں مداخلت سے نہیں روکا جا سکتا: عراقی وزیر خارجہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

عراقی وزیر خارجہ ہوشیار زبیری نے کہا ہے کہ شام کا بحران جاری رہنے کی صورت میں عراق سمیت پورے خطے کی سلامتی کے لیے خطرات پیدا ہو سکتے ہیں۔ اپنے ایک تازہ انٹرویو میں عراقی وزیر خارجہ نے واضح کیا کہ شام میں دو سال سے جاری ابتر صورتحال نے عراق کو نازک حالات سے دوچار کیا ہے اور اس صورتحال سے بارڈ ر کے آر پار شیعہ اور سنی فسادات کو ہوا ملی ہے۔ نتیجتا ایران کی شام میں مداخلت کا امکان بھی بڑھ گیا ہےاور اسے مداخلت سے روکا نہیِ جا سکتا۔

انہوں نے بتایا ایران کو رسمی طور پر آگاہ کر دیا گیا ہے کہ اسلحہ کی ترسیل کے لیے اپنی فضائی حدود کے استعمال کی سخت الفاظ میں مذ مت کرتے ہیں۔ہوشیار زبیری نے کہا کہ اگر کوئی ایران سے اسلحہ کی برآمد اور درآمد روکنے کے لیے یہ پروازیں اقوام متحدہ کی سلامتی کونسل کی قراردادوں کے خلاف تصور کرے تو میں بذات خود آپ کو اپنی گورنمنٹ کی طرف سے مدعو کرتا ہوں کہ ان پروازوں کو عراقی فضائی حدود میں روکنے کے لیے ہمارا ساتھ دیں۔

درایں اثناء وزیر خارجہ نے کہا کہ عراق شام کو کسی قسم کے ہتھیار اور پیسوں کی ترسیل میں ملوث نہیں اور خاص طور پر دمشق کی درخواست کے باوجود خام تیل کی فراہمی بھی مناسب حد سے زیادہ نہیں کررہا۔

مقبول خبریں اہم خبریں

مقبول خبریں