شامی صدر کا جنگ جیتنے کا عزم، فوج کے کردار کی تعریف

فوجی باغیوں کے خلاف سخت جنگ لڑ رہے ہیں اور وہ سرخرو ہوں گے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شامی صدر بشارالاسد نے باغیوں کے خلاف جنگ میں اپنے فوجیوں کے کردار کی تعریف کی ہے اور کہا ہے کہ وہ ایک سخت جنگ لڑ رہے ہیں اور وہ اس میں سرخرو رہیں گے۔

بشارالاسد نے یہ بیان جمعرات کو شامی فوج کے قومی دن کے موقع پر جاری کیا ہے۔ انھوں نے کہا کہ ''اگر ہمیں شام میں کامیابی کا یقین نہ ہوتا تو ہم دوسال سے زیادہ عرصے تک مزاحمت نہیں کرسکتے تھے''۔

شام میں اسد خاندان کی حکمرانی کے خلاف مارچ2011ء سے جاری عوامی مزاحمتی تحریک کے دوران ایک لاکھ زیادہ شامی مارے جا چکے ہیں جبکہ لاکھوں بے گھر ہوئے ہیں۔ شامی صدر کے خلاف عوامی مزاحمتی تحریک پُرامن مظاہروں سے شروع ہوئی تھی لیکن یہ چند ماہ بعد ہی مکمل خانہ جنگی کی شکل اختیار کرگئی اور اب شام کے طول وعرض میں سرکاری فوج اور باغی جنگجوؤں کے درمیان لڑائی جاری ہے جس میں ہلکے اور بھاری ہتھیاروں کا آزادانہ استعمال کیا جا رہا ہے۔

شامی صدر کی فورسز نے حالیہ ہفتوں کے دوران باغی جنگجوؤں کی فتوحات کو روک دیا ہے اور انھوں نے ملک کے متعدد شہروں پر دوبارہ کنٹَرول حاصل کر لیا ہے۔خاص طور پر شامی فوج وسطی صوبے حمص اور دارالحکومت دمشق کے نواحی علاقوں سے باغی جنگجوؤں کو نکال باہر کرنے میں کامیاب رہی ہے۔

مقبول خبریں اہم خبریں

مقبول خبریں