.

مصر: عبوری وزیر اعظم نے اخوان پر پابندی کا عندیہ دے دیا

تجویز پر غور جاری ہے، ابھی فیصلہ نہیں کیا، ترجمان عبوری حکومت

پہلی اشاعت: آخری اپ ڈیٹ:

مصر کے عبوری وزیر اعظم حاذم الببلاوی نے مصر کی سب سے بڑی دینی جماعت اخوان المسلمون کو غیر قانونی قرار دینے کا عندیہ دیہ دیا ہے۔ مصر کی عبوری حکومت کے ترجمان نے اس امر کا اظہار ہفتہ کے روز کیا ہے۔

ترجمان کے مطابق الببلاوی چاہتے ہیں کہ اخوان پر پابندی عائد کر دی جائے، تاہم وزیر اعظم کی طرف سے اپنی کابینہ کے ارکان کے سامنے رکھی گئی اس تجویز کے قانونی پہلووں کا جائزہ لیا جا رہا ہے۔

ترجمان کےمطابق الاخوان المسلمون چونکہ ایک فلاح عامہ کے لیے کام کرنے والی تنظیم کے طور پر کام کرتی ہے، اس لیے وزیر اعظم نے اپنی یہ تجویز سب سے پہلے سماجی امور سے متعلق وزیر کے سامنے رکھی تھی۔

حکومت کے ترجمان شریف شوقی کے مطابق ابھی اس تجویز پر فیصلہ نہیں ہوا ہے البتہ غور جاری ہے۔