.

اسرائیل کے آئرن ڈوم نے جنوبی لبنان سے فائر کیا گیا راکٹ ناکارہ بنا دیا

لبنان سے اسرائیل کے شمال کی جانب چار راکٹ فائر کرنے کا دعویٰ

پہلی اشاعت: آخری اپ ڈیٹ:

اسرائیل کے میزائل دفاعی نظام آئرن ڈوم نے لبنان کے جنوبی علاقے سے فائر کیے گئے چار راکٹوں میں سے ایک کو فضا میں ناکارہ بنا دیا ہے اور اس کا ملبہ اسرائیلی علاقے میں گرا ہے۔

صہیونی فوج کی خاتون ترجمان نے اے ایف پی کو بتایا ہے کہ ''آئرن ڈوم نے ایک راکٹ کو فضا میں روکا ہے''۔ تاہم ترجمان نے راکٹ کو ناکارہ بنانے کی جگہ یا دوسرے راکٹوں کے بارے میں کچھ نہیں بتایا۔

فوجی ترجمان کرنل پیٹر لرنر کا کہنا ہے کہ دوسرے راکٹ اسرائیلی علاقے میں نہیں گرے ہیں۔ البتہ دفاعی نظام سے ناکارہ بنائے گئے راکٹ سے ایک شاہراہ اور گاڑی کو نقصان پہنچا ہے۔

عینی شاہدین کے مطابق اسرائیل کی شمالی سرحد کے نزدیک متعدد دھماکوں کی آوازیں سنی گئی ہیں۔ ایک ذریعے کا کہنا ہے کہ نامعلوم مسلح افراد نے طائر کے جنوب اور مشرق سے اسرائیل کی جانب چار راکٹ فائر کیے ہیں۔ اسرائیلی پولیس نے علاقے کے مکینوں سے کہا ہے کہ وہ بم شیلٹروں کے نزدیک رہیں۔

پیٹر لرنر نے عالمی جہادی عناصر پر حملے کا الزام عاید کیا ہے اور کہا ہے کہ اس حملے کے پیچھے انہی کا ہاتھ کار فرما ہے۔ وہ القاعدہ سے وابستہ یا اس سے متاثر عناصر کا حوالہ دے رہے تھے۔