دبئی: آسمان سے ہن برسانے کے دعویدار نوسرباز جیل میں چکی پیسنے پر مجبور

جواری لوگوں کو پھنسانے کے لیے جنات کے استعمال کا دعویدار تھے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

دبئی پولیس نے دوغیر ملکی نوسرباز جواریوں کو حراست میں لے کر جیل منتقل کردیا ہے جو دبئی میں محنت مزدوری کی خاطر مشرق وسطی کے کاروبار مرکز کا رخ کرنے ولے عوام کو لوٹنے کے لیے مختلف حربے استعمال کرنے کے ساتھ ساتھ بیس کروڑ درہم آسمان سے برسانے کا بھی دعویٰ کررہے تھے۔

العربیہ ڈاٹ نیٹ کے مطابق نو سربازوں نے ایک مقامی شکار(شہری) کو پھنسانے کے لیے اسے"شنو" نامی ایک مہنگے ترین جوس کی ایک بوتل پیش کرنے کو کہا جس کی مالیت کم سے کم تیس ہزار درہم ہے اور ان کے بقول یہ جنات کا مرغوب مشروب ہے اور اسے پیش کرکے وہ جنات کی مدد سے آسمان سے بیس کروڑ درہم بارش کی طرح برسا سکتے ہیں۔ اس طرح دونوں نو سر باز اب تک کئی افراد کو لوٹ چکے ہیں۔
جنرل ڈیپارٹمنٹ آف کریمنل انوسٹیگیشن دبئی کے ڈائریکٹر میجر جنرل خبیر ابراہیم المنصوری نے بتایا کہ پولیس نے کارروائی کرکے دونوں نو سربازوں کو حراست میں لے لیا ہے۔ ان میں سے ایک افریقی اور دوسرا یورپی بتایا جاتا ہے۔ ملزمان کے قبضے سے مقامی اور غیر ملکی کرنسی بھی ملی ہے۔

ایک عینی شاہد نے بتایا کہ جنات کی مدد سے آسمان سے پیسے برسانے کے دعویدار جواریوں نے سادہ لوح لوگوں کو پھانسنے کا عجیب ڈھنگ اختیار کر رکھا تھا۔ جو شخص اپنی ضرورت ان کے سامنے پیش کرتا تو وہ پہلے اس کا اور اس کی والدہ کے نام سیدھے الفاظ میں لکھتے۔ پھر انہیں الٹا کر کے لکھتے پھر ناموں کے حروف کو خلط ملط کر کے عجیب عجیب حروف کی شکلیں بناتے۔ لیکن حساب کتاب کے بعد "شنو" نامی جوس کی ایک بوتل کا تقاضا کیا جاتا جسے بقول ان کے جنات کو تابع کرنے کے لیے استعمال کرتے ہیں۔

مقبول خبریں اہم خبریں

مقبول خبریں