سعودی سفیر نے لبنانی سیاست میں مداخلت کی تردید کردی

سعودی عرب کا لبنانی حکومت کی تشکیل کے ضمن میں غلط طور پر نام لیا جارہا ہے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

بیروت میں متعین سعودی سفیر علی عواض العسیری نے لبنان میں نئی حکومت کی تشکیل کے عمل پر اثر انداز ہونے کی اطلاعات کی تردید کردی ہے اور کہا ہے کہ سعودی مملکت لبنان کے داخلی امور میں کوئی مداخلت نہیں کررہی ہے۔

علی عواض العسیری نے جمعہ کو جاری کردہ ایک بیان میں کہا کہ ''مجھے بعض میڈیا ذرائع کے اس بات پر اصرار پر حیرت ہے جو غیر قانونی اور غلط طور پر سعودی عرب کا نام لبنانی حکومت کی تشکیل، اس کے حجم اور ہیئت ترکیبی کے ضمن میں لے رہے ہیں''۔

انھوں نے کہا کہ سعودی مملکت کی لبنان کے ساتھ دوستانہ / برادرانہ تعلقات ہونے کے ناتے یہ خواہش ہے کہ لبنانی قومی اتحاد کی ایسی حکومت تشکیل دیں جو ان کی امنگوں کو پورا کرے اور ایک ایسے وقت میں ملک کو چلائے جب تمام سیاسی قوتوں کو متحد ہونے کی ضرورت ہے''۔

مقبول خبریں اہم خبریں

مقبول خبریں