کیری اور اسرائیلی وزیراعظم کا امن مذاکرات پر تبادلہ خیال

فلسطینی اتھارٹی کے صدر محمود عباس سے بھی ملاقات متوقع

پہلی اشاعت: آخری اپ ڈیٹ:
مطالعہ موڈ چلائیں
100% Font Size

امریکی وزیر خارجہ جان کیری نے مشرق وسطی کے اپنے دورے کے دوران اسرائیلی وزیر اعظم بنجمن نیتن یاہو سے ملاقات کر کے اسرائیل اور فلسطینی اتھارٹی کے ساتھ امن مذاکرات کے معاملے پر تبادلہ خیال کیا ہے۔

جان کیری مغربی کنارے میں فلسطینی اتھارٹی کے صدر محمود عباس کرنے والے ہیں تاکہ ان سے فلسطینی اتھارٹی کے معاشی اقدامات پر بات چیت کرسکیں۔

واضح رہے طویل تعطل کے بعد جولائی میں شروع کیے گئے امن مذاکرات شروع میں ہی مشکلات کا شکار ہو گئے ہیں اور کچھ اندازہ نہیِں کہ ان مذاکرات میں پیش رفت ہو سکے گی۔

مبصرین کا کہنا ہے کہ مذاکرات مسئلہ فلسطین کے ''کور ایشوز'' کو حل کرنے میں ناکام ہیں کہ آزاد فلسطینی ریاست کب قائم ہو گی اور یہودی بستیوں کا قیام کیسے رکے گا؟

اب امن مذاکرات کے حوالے سے اختتام اپریل میں متوقع ہیں۔ واضح رہے جان کیری ان دنوں مشرق وسطی کے تفصیلی دورے پر ہیں اور وہ اس سے پہلے مصر اور سعودی عرب کی مقتدر شخصیات سے ملاقاتیں کر چکے ہیں۔

مقبول خبریں اہم خبریں