.

مصری سلامتی کیلیے جان قربان کرنے کو تیار ہیں: سیسی

سینائی سے دس فوجیوں کی میتیں قاہرہ پہنچنے پر ٹی وی خطاب

پہلی اشاعت: آخری اپ ڈیٹ:

مصری فوج کے سربراہ اور عبوری وزیر دفاع جنرل عبدالفتاح السیسی نے سینائی میں عسکریت پسندوں کی بڑھتی ہوئی کارروائیوں کا بھر پور جواب دینے کے عزم کا اعادہ کرتے ہوئے کہا ہے کہ ''ہم مصر کی سلامتی کیلیے اپنی جانیں قربان کرنے کو تیار ہیں۔''

جنرل سیسی نے سینائی میں دس فوجیوں کی ہلاکت کے بعد ٹی وی پر اپنے خطاب میں کہا '' لوگوں کو خبر رہے کہ ہم تمام مصر کی سلامتی کی خاطر جانیں دینے کو تیار ہیں۔''

فوج کے سربراہ نے کہا '' جو بھی فوج اور پولیس کے خلاف ہتھیاراستعمال کرتا ہے وہ دہشت گرد ہے، ہم اس کے خلاف لڑنے کیلیے موجود ہیں، ہم اس کے اس ارادے کو خاک میں ملا دیں گے۔''

واضح رہے بدھ کے روز ایک کار بم دھماکے میں کم از کم دس مصری فوجیوں کو ہلاک کر دیا گیا تھا۔ ان فوجیوں کی میتیں سینائی سے بدھ کی شام قاہرہ پہنچی تھیں۔ جنرل سیسی نے اس موقع پر کہا '' ہم موت سے ڈرنے والے نہیں ہیں کیونکہ ملک کیلیے مرنے والے شہید ہوتے ہیں۔''