اخوان المسلمون کا انقلاب 2011ء کی سالگرہ منانے کا اعلان

4 اور 20 جنوری کو میدان التحریر اور رابعہ اسکوائر میں ریلیاں منعقد کی جائیں گی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مصر کی مسلح افواج کی نگرانی میں قائم عبوری حکومت کے عتاب کا شکار اخوان المسلمون نے سابق مطلق العنان صدر حسنی مبارک کے خلاف عوامی انقلاب کے تین سال پورے ہونے پر احتجاجی ریلیاں منعقد کرنے کا اعلان کیا ہے۔

مصری روزنامے الوطن نے انقلاب کی تیسری سالگرہ کے موقع پر اخوان المسلمون کے ''آزادی اور عوامی منشاء کو برقرار رکھنے'' کے نام سے پروگرام کی تفصیل شائع کی ہے۔یہ منصوبہ 24 نومبر کو وضع کیا گیا تھا اور اس پر 25 جنوری کو انقلاب کی سالگرہ سے قبل 4 جنوری سے عمل درآمد کیا جائے گا۔

اخوان المسلمون کے پروگرام کے تحت مصر بھر میں ''مصری منشاء کی آزادی ،فوجی انقلاب کی شکست اور قانون کی حکمرانی کی بحالی'' کے نام سے ریلیاں منظم کی جائیں گی۔20 جنوری کو برطرف صدر ڈاکٹر محمد مرسی کے حامی قاہرہ کے مشہور میدان التحریر اور رابعہ العدویہ چوک سمیت دوسرے شہروں کے اہم مقامات پر اجتماعات منعقد کریں گے۔

مظاہرین ان ریلیوں اور اجتماعات کے دوران حکومت سے ڈاکٹر محمد مرسی کی بحالی سمیت اپنے دوسرے مطالبات کو پورا کرنے کا تقاضا کریں گے۔اگر ایسا نہیں ہوتا تو پھر وہ دو مراحل میں اپنے منصوبے کو عملی جامہ پہنائیں گے۔پہلے مرحلے میں 25جنوری کو قاہرہ میں بعض سفارت خانوں کا محاصرہ کیا جائے گا اور میدان التحریر میں اجتماع منعقد کیا جائے گا۔

وطن کی اطلاع کے مطابق دوسرے مرحلے میں وزارت داخلہ پر چڑھائی کی جائے گی ،پولیس اسٹیشنوں کا کنٹرول حاصل کیا جائے گا۔ان کے علاوہ میڈیا پروڈکشن سٹی پر بھی چڑھائی کی جائے گی۔اخبار نے اس تمام پروگرام کی تفصیل کے حوالے سے اخوان کے کسی لیڈر کا کوئی بیان نقل نہیں کیا اور نہ یہ بتایا ہے کہ اس کو یہ تمام منصوبہ کہاں سے ملا ہے۔

مقبول خبریں اہم خبریں

مقبول خبریں